Khmer Entertanment: 2012

ស្ដេចកំប្លែងទិនហ្វី

ជីវិតផ្ទាល់ខ្លួន

ស្ទេហ្វេន ចូវ ជាតារាភាពយន្តដ៏មានប្រជាប្រិយភាពបំផុតផ្នែកកំប្លែង ដែលប្រជាជនខ្មែរយើងនិយម ហៅឈ្មោះគាត់ថា ទិន ហ្វីតាមលំនាំឈ្មោះតួអង្គឯកក្នុងរឿងគម្ពីរឥន្ទ្រីយ៍បិសាចខ្ទើយដែលសាងកេរ្ត៍ឈ្មោះគាត់នៅកម្ពុជាពីអំឡុងឆ្នាំ១៩៨៨។

ស្ទេ ហ្វេន កើតនៅថ្ងៃទី២២ ខែ មិថុនា ឆ្នាំ ១៩៦២ ក្នុងទីក្រុងហុង កុង។ លោកជាកូនប្រុសទោលក្នុងចំណោមកូន៣នាក់ក្នុងគ្រួសារ។ បន្ទាបពីបញ្ចប់ការសិក្សានៅវិទ្យាល័យក្នុងឆ្នាំ១៩៨២ ទិន ហ្វីបានចូលហាត់សម្ដែងក្នុងសាលាមួយដែលរៀបចំដោយស្ថានីយទូរទស្សន៍ TVB។ ការដាក់ពាក្យចូលរៀនរបស់លោកជាលើកទី១ ត្រូវបានសាលាបដិសេធ តែក្រោយមកដោយមានការជួយជ្រោមជ្រែងពីមិត្តភ័ក្ដិ គាត់ត្រូវបានទទួលឲ្យចូលរៀននៅវេនយប់។បួយឆ្នាំក្រោយមក គាត់បានបញ្ចប់ការសិក្សានេះ ហើយក៏បានធ្វើការជាអ្នកសំដែង ដែលមានក្មេងៗជាទីផ្សារគោលដៅ។

ទាក់ទងទៅនឹងជីវិតស្នេហាវិញ ក្នុងឆ្នាំ១៩៩៩តារាសម្ដែងរូបនេះ ធ្លាប់មានទំនាក់ទំនងស្នេហាជាមួយនឹង Yu wenfengជាកូនស្រីរបស់ប្រធានក្រុមហ៊ុនមួយក្នុងទីក្រុងហុង កុង ដែលជាក្រុមហ៊ុនអចលនទ្រព្យធំមួយក្នុងចំណោមក្រុមហ៊ុនធំៗនៅអាស៊ី។តែទំនាក់ទំនងស្នេហ៍មួយគូនេះ បានបញ្ចប់ទៅវិញក្នុងរយៈពេល១០ឆ្នាំ ដោយសារតែខាងភាគីស្រីមានអ្នកថ្មី។

អាជីព

ដោយសារតែការសំដែងសម្រាប់ក្មេងៗមានការគាំទ្រខ្លាំង ទិន ហ្វី ក៏បានចាប់ផ្ដើមសំដែងក្នុងខ្សែភាពយន្តទីមួយរបស់គាត់(Final Justice)ក្នុងឆ្នាំ១៩៨៧ហើយខ្សែភាពយន្តនេះ បានផ្ដល់ឲ្យគាត់នូវពានរង្វាន់Golden Horse Awardរបស់តៃវ៉ាន់ ។ បន្ទាបមកទិន ហ្វី បានក្លាយទៅជាតួកំប្លែងលេខ១ប្រចាំទីក្រុងហុង កុង។ រហូតមកដល់ឆ្នាំ ១៩៩៤ ហ្វីបានចាប់ផ្ដើមដឹកនាំការសំដែង ក្នុងរឿង From Beijing with Love ។ តែទោះជាយ៉ាងណា ខ្សែភាពយន្តរបស់លោក មិនត្រូវបានប្រជាជនចិនគាំទ្រទាំងស្រុងនោះទេ តែដោយឡែក ហ្វីទទួលបានការគាំទ្រយ៉ាងខ្លាំងពីសំណាក់ប្រជាជនហុង កុង។

រហូតមកដល់ឆ្នាំ ២០០១ ខ្សែភាពយន្តមួយទៀតរបស់គាត់ មានចំណងជើងថា Shaolin Soccer(ខ្មែរមានចំណងជើងថា ស្ដេចទាត់បាល់ទិន ហ្វី ២០០២) រកចំណូលបាន៦០លានដុល្លារហុងកុង។ ចំពោះខ្សែភាពយន្ដមួយនេះ បានជួយឲ្យទិន ហ្វី ទទួលបានពានរង្វាន់GoldenBauhinia ខាងផ្នែកសំដែងនិងដឹកនាំល្អបំផុត ហើយក្នុងរយៈពេលតែ៣ឆ្នាំសោះ (២០០១-២០០៣) កំពូលតារារូបនេះ ទទួលបានពានរង្វាន់ដល់ទៅចំនួន៧។ លើសពីនេះទៀត ខ្សែភាពយន្តមួយនេះ បានជួយឲ្យហ្វីមានឈ្មោះបោះសម្លេងជាលើកដំបូងនៅប្រទេសលោកខាងលិច។ រឹតតែអស្ចារ្យជាងនោះទៅទៀត លោកបានឈ្នះពានរង្វាន់ចំនួន១៨ តាមរយៈ ខ្សែភាពយន្តKung Fu Hustle។

មកដល់ពេលនេះតារាសំដែងដ៏មានប្រជាប្រិយភាពរូបនេះ បានដឹកនាំនិងសំដែងជាង៦០រឿងហើយ។ ប្រជាជនខ្មែរសឹងនឹងគ្រប់រូបដឹងច្បាស់ថា តារាភាពយន្តហុង កុង ដែលមានទេពកោសល្យខាងកំប្លែង ធ្វើឲ្យអ្នកទស្សនាសើចចុកពោះនោះ គឺទិន ហ្វីនេះហើយ។ ក្នុងវិស័យភាពយន្ត ទិន ហ្វី មិនត្រឹមតែជាតារាសម្ដែងនោះទេ តែលោកថែមទាំងធ្វើជា អ្នកនិពន្ធ អ្នកដឹកនាំរឿង និងផលិតករទៀតផង។ ខាងក្រោមនេះជាខ្សែភាពយន្តដែលទទួលបានការគាំទ្របំផុត។

ប្រែសំរួលៈផេង ស៊ីថាន

ចំណងជើង	កាលបរិច្ឆេទ
Kung fu	2004
Shaolin Soccer(Siu lam juk kau )	2001
Ci7(Cheung Gong 7 hou)	2008
Sai yau gei: Daai git guk ji – Sin leui kei yun	1994
Sai yau gei: Dai yat baak ling yat wui ji – Yut gwong bou haap	1994
The god cookery(Sik san)	1996
Hei kek ji wong	1999
From Beijing With Love	1994
Tang Bohu dian Qiuxiang	1993
Forbidden City Cop	1996

ពានរង្វាន់ដែលបានឈ្នះ
កាលបរិច្ឆេទ	ពានរង្វាន់	ចំណងជើងរឿង
2005	ពានរង្វាន់Silver Scream Award	Kung Fu hustle
1999	ពានរង្វាន់ Asia Pacific Film ខាងផ្នែកសំដែង	Justice,My Foot
2003	ពានរង្វាន់Blue Ribbon ខាងផ្នែកBest Foreign language Film	Shaolin Soccer
2002	ពានរង្វាន់GoldenBauhiniaខាងដឹកនាំសំដែង	Shaolin Soccer
2005	ពានរង្វាន់ Golden Horseខាងផ្នែកដឹកនាំសំដែង	Kung Fu hustle
2002	ពានរង្វាន់Hong kong ខាងសំដែងនិងដឹកនាំសំដែង	Shaolin Soccer

ជីវិត Pitbull

Pitbull គឺជាតារាចម្រៀង Rap អ្នកនិពន្ធបទចម្រៀង និង ជាផលិតករអាមេរិកដែលមានឈ្មោះផ្លូវការថាArmando Christian Pérez។

ប្រវត្តិរូបសង្ខេប

ឈ្មោះ	ថ្ងៃខែឆ្នាំកំណើត	ទីកន្លែងកំណើត	Label	គេហទំព័រ
Armando Christian Pérez (Pitbull)	១៥ មករា ១៩៨១(៣០ឆ្នាំ)	ទីក្រុងMiamiរដ្ឋFloridaសហរដ្ឋអាមេរិក	RCA, Polo Grounds, Mr. 305 Inc.	planetpit.com

Pitbull ចាប់កំណើត នៅថ្ងៃទី១៥ ខែមករា ឆ្នាំ១៩៨១ នៅក្នុងគ្រួសារនៃជនភៀសខ្លួនគុយបា ។ ឪពុកម្ដាយរបស់លោកបានលែងលះគ្នាតាំងពីរូបលោកស្ថិតក្នុងវ័យកុមារភាពមកម្ល៉េះ។ ក្រោយមកកុមារាកម្សត់ត្រូវបានចិញ្ចឹមបីបាច់ដោយម្ដាយតែម្នាក់។ នៅវ័យ១៦ឆ្នាំ លោកត្រូវម្ដាយដេញចេញពីផ្ទះដោយសារតែរូបលោក ក្លាយជាឈ្មួញលក់គ្រឿងញៀនម្នាក់។ តែក្រោយមកលោកក៏បានកែខ្លួននិងបានបញ្ចប់ការសិក្សានៅវិទ្យាល័យ Miami Coral Park និងចាប់ផ្ដើមផ្ដោតអារម្មណ៍ទៅលើអាជីពជាតារាចម្រៀងRap ប៉ុន្តែដោយសារតែភ្នែកពណ៌ខៀវនិងមានឈាមជ័រអាមេរិក-គុយបា រូបលោកបានជួបប្រទះនឹងបញ្ហាលំបាកជាច្រើនក្នុងអាជីពនេះ។ Pitbull ក៏បានពន្យល់ទៀតដែរថា មូលហេតុដែលលោកជ្រើសរើសឈ្មោះហៅក្រៅថា Pitbull នេះគឺដោយសារមានរឿងរ៉ាវមួយចំនួនទាក់ទងនឹងសត្វឆ្កែមួយក្បាល។

អាជីព

បទចម្រៀងដំបូងដែលលោកបានច្រៀងគឺបទ Kings of Crunk ដែលស្ថិតក្នុងអាល់ប៊ុមរបស់Lil Jon ក្នុងឆ្នាំ២០០២។ ក្រោយមកនៅឆ្នាំ២០០៤ លោកក៏បានចាប់ផ្ដើមចេញអាល់ប៊ុមដំបូងរបស់លោកដែលមានចំណងជើងថា M.I.A.M.I. (short for Money Is a Major Issue) ក្នុង

ផលិតកម្មTVT Records។បន្ទាប់ពីនោះមករូបលោកក៏បានចេញអាល់ប៊ុមចម្រៀងចំនួន២ទៀត គឺ អាល់ប៊ុមEl Marielក្នុងឆ្នាំ២០០៦ និង The Boatlift ក្នុងឆ្នាំ២០០៧។ រំលងមួយឆ្នាំ បុរសសង្ហាវ័យ៣០រូបនេះក៏បានចេញអាល់ប៊ុម Rebelutionក្នុងឆ្នាំ២០០៩ ដែលក្នុងនោះមានបទចម្រៀងល្បីល្បាញមួយចំនួនដូចជា “I Know You Want Me (Calle Ocho)” និង “Krazy”។ យោងតាមទស្សនាវដ្ដី Billboard អាល់ប៊ុមនេះបានជាប់ចំណាត់ថ្នាក់លេខ៣០ក្នុងតារាងចំណាត់ថ្នាក់បទចម្រៀង Hot 100 និង លេខ១១នៅ លើតារាងHot Rap Tracks charts ខណៈដែល “I Know You Want Me” បានឡើងដល់ចំណាត់ថ្នាក់លេខ២លើតារាង Hot 100 និងស្ថិតក្នុងចំណាត់ថ្នាក់បទចម្រៀង top ១០ តាមបណ្ដាប្រទេសដូចជា ចក្រភពអង់គ្លេស កាណាដា អ៊ីតាលី និង ណេឌឺលេន (Netherland) ហើយបទចម្រៀងនេះក៏បានជាប់ចំណាត់ថ្នាក់លេខ១នៅក្នុងប្រទេសបារាំងនិង ក្នុងតារាង Hot 100របស់អឺរ៉ុបក្នុងសប្ដាហ៍មួយដែលបញ្ចប់នៅថ្ងៃទី២៩សីហាឆ្នាំ២០០៩។ ក្រោយទទួលបានជោគជ័យជាច្រើនក្នុងពិភពសិល្បៈ លោកបានចុះហត្ថលេខាជាមួយPolo Grounds Music តាមរយៈ Sony Music និងបង្កើត label ផ្ទាល់ខ្លួនមានឈ្មោះថា Mr. 305 Inc។
ក្រៅពីបទខាងលើក្នុងអាល់ប៊ុម Rebelution នៅមានបទមួយចំនួនទៀតដូចជា”Blanco” ដែលលោកច្រៀងរួមជាមួយPharrell Williams និង “Hotel Room Service” ក៏បានជាប់ចំណាត់ថ្នាក់លេខ៨នៅក្នុងតារាង Hot 100 ផងដែរ។ ទាំងបទចម្រៀង និង អាល់ប៊ុមបញ្ចូលគ្នាRebelution លក់ដាច់ជាង ៧,៥ លានឌីជីថល។

Pérez ដែលមនុស្សទូទាំងពិភពលោកស្គាល់លោកថា Pitbull ក៏ជាពិធីករម្នាក់នៅក្នុងកម្មវិធីមួយដែលប្រើប្រាស់ភាសាអេស្ប៉ាញនៅប៉ុស្តិ៍ទូរទស្សន៍ខ្សែកាប Mun2 ក្នុងកម្មវិធី La Esquina (Spanish for The Corner)។
ឆ្នាំ២០០៥ Pérez (Pitbull)និងតារាចម្រៀងRap លោក Sean ‘Diddy’ Combs បានសហការគ្នាបង្កើត Bad Boy Latinoដោយទំនុកបម្រុងជាប្រាក់ទៅលើ Combs’ Bad Boy Records label។ ជាដំបូងការបង្កើតរបស់ពួកគេគឺផ្ដោតទៅលើLatin Rap, Latin Soul និង Tropical music ដែលមានការិយាល័យនៅទីក្រុង ម៉ៃអាមី(Miami) និងទីក្រុងញូវយ៉ក។ ជាមួយនឹងកិច្ចសហការនេះ Pérez (Pitbull) ក៏បានដឹកនាំផ្នែកA&R មួយរបស់ label។

Pitbull ក៏បានក្លាយជាអ្នកថតផ្សព្វផ្សាយផលិតផលជាមួយនឹងតារាចម្រៀងមួយចំនួនទៀតដូចជាDrake, Rihanna និង Trey Songz ក្នុងយុទ្ធនាការផ្សព្វផ្សាយផលិតផល So Kodakសម្រាប់ម៉ាកKodakទៀតផង។ ហើយគាត់ក៏បានថតនិងច្រៀងឲ្យផលិតផលផ្សេងៗទៀតដែរ។

ក្នុងឆ្នាំ២០១១នេះវិញ Pitbull បានចេញអាល់ប៊ុមPlanet Pit កាលពីថ្ងៃទី២១ខែមិថុនា និងបានសហការជាមួយ T-Pain ក្នុងបទចម្រៀងដំបូង Hey Baby (Drop It To The Floor)។ លោកក៏បានចាប់ដៃជាមួយតារាចម្រៀងស្រីJennifer Lopez ក្នុងបទចម្រៀងOn the Floor របស់នាងទៀតផង។ នាថ្ងៃទី២២មីនាឆ្នាំ២០១១នេះដែរ Pitbull បានចេញបទចម្រៀងទី២ដែលមានចំណងជើងថាGive Me Everythingដែលច្រៀងរួមជាមួយ Ne-Yo, Afrojack និង Nayer ហើយបីខែក្រោយមកបទនេះបានក្លាយជាបទដំបូងរបស់ Pitbull ដែលស្ថិតក្នុងចំណាត់ថ្នាក់កំពូលរបស់តារាងចំណាត់ថ្នាក់បទចម្រៀងBillboard Hot 100។ ក្រៅពីការចេញអាល់ប៊ុមPlanet Pit និងផលិតបទចម្រៀងជាច្រើន Pitbull ក៏មមាញឹកនឹងកិច្ចការជាច្រើនទៀតផងដែរ។

ដូច្នេះ សរុបមក Pitbullបានចេញអាល់ប៊ុមជាច្រើនដូចជា M.I.A.M.I. (ឆ្នាំ២០០៤) El Mariel (២០០៦) The Boatlift (២០០៧) Rebelution (២០០៩) Armando (២០១០) និង Planet Pit (២០១១)៕

ប្រវត្តិគូស្នេហ៍ សុជីអូ និង ម៉ារីម៉ា

Dingdong Dantes

សុជីអូ ដែលមានឈ្មោះពិតប្រាកដថា Jose Sixto Raphael Gonzalez Dantes III និងមានឈ្មោះពេញនិយមក្នុងពិភពសិល្បៈថា Dingdong Dantes គឺជាអ្នកដឹកនាំរឿង តារាសម្ដែង ពិធីករ និង តារាម៉ូដែល កើតនៅថ្ងៃទី ២ សីហា ឆ្នាំ ១៩៨០ នៅទីក្រុង Quezon ប្រទេស ហ្វីលីពីន។

ឈ្មោះ	ថ្ងៃខែឆ្នាំកំណើត	ទីកន្លែងកំណើត	កម្ពស់
Jose Sixto Raphael Gonzalez Dantes III	២ សីហា ឆ្នាំ ១៩៨០	ទីក្រុង Quezon ,ប្រទេស ហ្វីលីពីន	១៨០សង់ទីម៉ែត្រ

អាជីព

ឪពុករបស់ Dingdong Dantes មានឈ្មោះថា Jose Dantes, Jr. និង ម្ដាយឈ្មោះ Angeline Gonzalez Dantes ។ Dantes ចាប់ផ្ដើមអាជីពជាតារាម៉ូដែលដំបូងនៅអាយុ ២ ឆ្នាំក្នុងការផ្សាយពាណិជ្ជកម្មផលិតផលធ្វើពីទឹកដោះគោ។ បន្ទាប់មកគេក៏បានបង្ហាញខ្លួនជាតារាម៉ូដែលបានជាច្រើនកន្លែងមុនពេលរូបគេចូលក្នុងក្រុមរាំបុរសមានឈ្មោះថា Abztract Dancers ជាមួយមិត្តភក្តិរបស់គេតារាសម្ដែង Dino Guevarra និង បងប្អូនជីដូនមួយតារាសម្ដែង Arthur Solinap។ ក្រោយមកក្រុមរបស់ពួកគេក៏បានចូលរាំជាប្រចាំនៅក្នុងផលិតកម្ម Eat Bulaga! និង That’s Entertainment។

ក្នុងអាជីពជាតារាសម្ដែង Dantes បានបង្ហាញវត្តមានសម្ដែងដំបូងក្នុងខ្សែភាពយន្ត Shake, Rattle និង Roll V នៅក្នុងឈុតមួយមានចំណងជើងថា “Anino”។ ៣ ឆ្នាំក្រោយមក Dantes ក៏បានបង្ហាញខ្លួនជាលើកដំបូងពេលគេមានអាយុ ១៧ ឆ្នាំក្នុងនាមជាតួអង្គម្នាក់ប្រើឈ្មោះថា Raphael Dantes នៅក្នុងកម្មវិធីយុវវ័យ T.G.I.S. របស់ទូរទស្សន៍ GMA Network។ បន្ទាប់មក Dantes ក៏បានសម្ដែងក្នុងខ្សែភាពយន្តមួយចំនួនដូចជា Honey My Love So Sweet និង I’m Sorry My Love និង កម្មវិធីទូរទស្សន៍មួយចំនួនទៀតរួមមាន Anna Karenina និង សម្ដែងក្នុងឈុតឆាកខ្លីៗតាមរយៈការសម្ដែងតាមអត្ថបទប្រលោមលោកមនោសញ្ចេតនាយុវវ័យក្នុងឈុត F.L.A.M.E.S. ជាមួយក្រុមតារាសម្ដែងជាច្រើនរូបទៀតរបស់ប៉ុស្តិ៍ទូរទស្សន៍ ABS-CBN ដែលប៉ុស្តិ៍នេះមានការចាក់ផ្សាយចាប់ពីឆ្នាំ ១៩៩៦ ដល់ ២០០២។

២០០០- ២០០១

ក្នុងឆ្នាំ ២០០០ Dantes បានសម្ដែងក្នុងរឿងបែបកំប្លែង Super Klenk ជាមួយ តារាសម្ដែង Ara Mina។
នៅឆ្នាំ ២០០១ Dantes ក៏បានសម្ដែងជាដៃគូជាមួយតារាសម្ដែង Tanya Garcia នៅក្នុងស៊េរីអូប៉េរ៉ា Sana Ay Ikaw Na Nga របស់បណ្ដាញផ្សព្វផ្សាយ GMA- 7 ។ បន្ទាប់មកដៃគូសម្ដែងទាំងពីរនាក់ក៏បានរួមគ្នាក្នុងការសម្ដែងខ្សែភាពយន្តបែបប្រលោមលោកមនោសញ្ចេតនា Twin Hearts ជាមួយគ្នាបន្តទៀតក្នុងឆ្នាំ២០០៣។ ក្រោយមក Dantes ក៏ចាប់អាជីពជាពិធីករនៅក្នុងកម្មវិធីប្រកួតប្រជែងសម្រស់មួយចំនួនដូចជា Binibining Pilipina កម្មវិធីស្វែងរកសិល្បករសិល្បការិនីមានទេពកោសល្យ StarStruck របស់ប៉ុស្តិ៍ទូរទស្សន៍ GMA Network និង កម្មវិធី Game Show ឈ្មោះថា Family Feud មុនពេលកម្មវិធីនោះដូរឈ្មោះទៅជា Edu Manzano។ ក្រៅពីអាជីពនៅលើកញ្ចក់ទូរទស្សន៍ Dantes ក៏បានបង្ហាញវត្តមាននៅក្នុងខ្សែភាពយន្តរួមមាន Magkapatid និង Pangarap Ko Ang Ibigin Ka។
២០០៧ ដល់ បច្ចុប្បន្ន
ក្នុងឆ្នាំ ២០០៧ Dantes បានសម្ដែងជាតួឯកមានឈ្មោះថា សិជីអូ (Sergio)។ ក្នុងអំឡុងពេលជាមួយគ្នានេះដែរ គេបានទទួលចំណាត់ថ្នាក់លេខ ១ ជា Bachelor of 2007 (មនុស្សកំលោះប្រចាំឆ្នាំ ២០០៧) ពីទស្សនាវដ្ដី Cosmopolitan Magazine របស់ហ្វីលីពីន។ គេក៏បានឈ្នះពានរង្វាន់ USTV Students’ Choice Award ជាតារាសម្ដែងពេញនិយមបំផុតនៅក្នុងខ្សែភាពយន្ត ឬ រឿងភាគស៊េរីខ្លីៗផងដែរ។
ក្នុងឆ្នាំ ២០០៨ Dantes បានសម្ដែងនៅក្នុងស្ទូឌីយោជាតួឈ្មោះថា Fredo មានចំណាប់អារម្មណ៍ស្នេហាជាមួយ Dyesebel។ នៅខែ មីនា ឆ្នាំ ២០០៨ គេក៏បានបង្ហាញម៉ូដជាម៉ូដែលរូបភាពឲ្យ Bench ។ នៅថ្ងៃទី ២២ សីហា ឆ្នាំ ២០០៨ Dantes ត្រូវបានគេជ្រើសរើសជាបុរសសិចស៊ីម្នាក់ក្នុងចំណោម បុរសសិចស៊ី២៥ រូបក្នុងពិភពលោក ( 25 Sexiest Men of the World) នៅ Entertainment Television ។ Dantes គឺជាតារាហ្វីលីពីនតែមួយគត់ដែលបានទទួលចំណាត់ថ្នាក់នៅក្នុងបញ្ជីឈ្មោះនេះ និង ជាតារាអាស៊ានដែលមានចំណាត់ថ្នាក់ខ្ពស់ជាងគេ(បានទទួលចំណាត់ថ្នាក់លេខ ៣) ។ នៅឆ្នាំ ២០០៨ Dantes បានសម្តែងក្នុងខ្សែភាពយន្ត One True Love និង ដើមឆ្នាំ ២០០៩ គេក៏បានសម្ដែងក្នុងខ្សែភាពយន្ត Ang Babaeng Hinugot Sa Aking Tadyang។ នៅខែសីហាឆ្នាំ ២០០៩ Dantes ត្រូវគេជ្រើសរើសជា វីជេកិត្តិយសរបស់ Myx ដើម្បីផ្សព្វផ្សាយអាល់ប៊ុមរបស់គេមានចំណងជើងថា The Dingdong Dantes Experience។ ក្រោយមកអាល់ប៊ុមនោះក៏ទទួលបានភាពពេញនិយមបន្ទាប់ពីបានចេញផ្សាយនៅក្នុង show ចម្រុះ SOP ។ បន្ទាប់ពីនេះទៀត Dantes ក៏បានសម្តែងជាតួអង្គ Cholo ក្នុងរឿងហ្វីលីពីនដែលប្រែសម្រួលចេញពីរឿងប្រលោមលោកកូរ៉េមានចំណងជើងថា Stairway To Heaven។

ចាប់ពីថ្ងៃទី ២៥ ខែមិថុនា ដល់ ថ្ងៃទី១៥ ខែ តុលា ឆ្នាំ ២០១០ Dantes បានសម្ដែងក្នុង Show ទូរទស្សន៍ Endless Love ។ ក្នុងឆ្នាំ ២០១០ នោះដែរ Dantes បានក្លាយជាសហពិធីករនៅក្នុងកម្មវិធី Party Pilipinas នៅប៉ុស្តិ៍ channel 7។ Dantes បានឈ្នះពានរង្វាន់តារាសម្ដែងឆ្នើមនៅក្នុងខ្សែភាពយន្ត Stairway To Heaven ពានរង្វាន់តារា (Star Awards) នៅក្នុងទូរទស្សន៍ និង ជាអ្នកមានឈ្មោះក្នុងពាន Asian Television Awards នៅឆ្នាំ ២០១០។

នៅឆ្នាំ ២០១១ Dantes បានសម្ដែងក្នុងស៊េរីកំប្លែងទូរទស្សន៍មានចំណងជើងថា I Heart You និង Pare! ជាមួយតារាសម្ដែងស្រី Regine Velasquez។

នៅឆ្នាំ ២០១១ ដដែល Dantes បានចុះកុងត្រាជាមួយ Star Cinema ក្នុងគោលបំណងសម្ដែងខ្សែភាពយន្ត និង ធ្វើការជាមួយ Kris Aquino។ Dantes បានសម្ដែងនៅក្នុងខ្សែភាពយន្តភាគទូរទស្សន៍ ជាមួយតួឯកស្រី និង អតីតមិត្តស្រីពិតប្រាកដរបស់គេ Marian Rivera(តួឯកស្រីឈ្មោះម៉ារីម៉ា ក្នុងខ្សែភាពយន្ត “ជីវិតនាងម៉ារីម៉ា”) ។

Marian Rivera

ឈ្មោះ	ថ្ងៃខែឆ្នាំកំណើត	ទីកន្លែងកំណើត	កម្ពស់
Marian Gracia Rivera	១២ សីហា ឆ្នាំ ១៩៨៤	ទីក្រុង Madrid ,ប្រទេស អេស្ប៉ាញ	១៦៣សង់ទីម៉ែត្រ

ម៉ារីម៉ាដែលប្រិយមិត្តបានស្គាល់តាមរយៈរឿង “ជីវិតនាងម៉ារីម៉ា” មានឈ្មោះពិតប្រាកដថា Marian Gracia Rivera( Marian Rivera ) និង កើតនៅថ្ងៃទី ១២ ខែ សីហា ឆ្នាំ ១៩៨៤។ នាងកើតនៅទីក្រុង Madrid ប្រទេសអេស្ប៉ាញ និង មានអាជីពជាតារាម៉ូដែល តារាសម្ដែង អ្នករាំ និង តារាចម្រៀង។ Rivera គឺជា Primetime Queen របស់ប៉ុស្តិ៍ទូរទស្សន៍ GMA Network ហើយនាងបានបង្ហាញវត្តមាននៅលើកញ្ចក់ទូរទស្សន៍ល្បីល្បាញរបស់ហ្វីលីពីនមួយចំនួនដូចជា Marimar, Dyesebel, Darna និង Amaya។
ក្នុងអាជីពជាតារាចម្រៀង Rivera បានចេញអាល់ប៊ុមស្ទូឌីយោចំនួន ២ ក្នុងនោះរួមមានអាល់ប៊ុមពេញនិយម Marian Rivera Dance និង Retro Crazy។ ក្រោយមកនាងបានសម្ដែងក្នុងខ្សែភាពយន្តដែលរកចំណូលបានខ្ពស់នៅក្នុង Box Office នៃប្រទេស ហ្វីលីពីន ដូចជា My Bestfriend’s Girlfriend, You To Me Are Everything និង Panday2។ ក្រៅពីច្រៀង និង សម្ដែង Rivera ក៏ជាអ្នកផ្សព្វផ្សាយពាណិជ្ជកម្មសម្រាប់ផលិតផលធំៗនៅក្នុងប្រទេសហ្វីលីពីនផងដែរ។

ប្រវត្តិរូបសង្ខេប

Marian Rivera កើតនៅទីក្រុង Madrid ប្រទេសអេស្ប៉ាញដោយមានឪពុកឈ្មោះ Francisco Javier Gracia Alonso ជាជនជាតិអេស្ប៉ាញ និង ម្ដាយ Amalia Rivera ជាជនជាតិហ្វីលីពីន។ បន្ទាប់ពីឪពុកម្ដាយរបស់នាងចែកផ្លូវគ្នា ម្ដាយរបស់នាងក៏យកនាងមករស់នៅក្នុងប្រទេសហ្វីលីពីនដែលជាកន្លែងដែលនាងធំធាត់ឡើងក្នុងជីវិតរបស់នាង។

អាជីព

វត្តមានលើកញ្ចក់ទូរទស្សន៍

Rivera ដំបូងឡើយសម្តែងអូប៉េរាសម្រាប់ទូរទស្សន៍ TAPE Inc. និង GMA Network ដោយក្នុងនោះរួមមានអូប៉េរា Kung Mamahalin Mo Lang Ako, Agawin Mo Man Ang Lahat និង Pinakammahal។ បន្ទាប់មកនាងក៏មានវត្តមានជាតួនៅក្នុងអូប៉េរា Enteng Kabisoe 2: Okay Ka Fairy Ko: The Legend Continues។ ក្រោយមកទៀត ប៉ុស្តិ៍ទូរទស្សន៍ GMA Network ក៏ឲ្យនាងសម្ដែងជាតួម្ដាយនៅក្នុងខ្សែភាពយន្តបែប ហ្វីលីពីន និង ម៉ាឡេស៊ីមានចំណងជើងថា Muli។

បន្ទាប់ពីនោះមក Rivera ក៏បានចុះកុងត្រាជាផ្លូវការជាមួយ GMA Network និង បានសម្ដែងជាតួឯកក្នុងខ្សែភាពយន្ត “ជីវិតនាងម៉ារីម៉ា(Marimar)” ដែលបានចាក់បញ្ចាំងលើកដំបូងកាលពីថ្ងៃទី ១៣ ខែសីហា ឆ្នាំ ២០០៧។ ខ្សែភាពយន្តនេះក៏បានទទួលអត្រានៃការទស្សនាខ្ពស់ជាងគេនៅក្នុងប្រទេសហ្វីលីពីនផងដែរនាពេលនោះ។

នៅឆ្នាំ ២០០៨ Rivera បានសម្ដែងជាតួអង្គក្នុងរឿង Dysebel ដែលបានចាក់បញ្ចាំងនៅថ្ងៃទី ២៨ ខែមេសាឆ្នាំ ២០០៨។ ដោយសារការបង្ហាញវត្តមានសម្ដែងនៅក្នុងខ្សែភាពយន្ត Marimar និង Dyesebel Rivera បានទទួលពានរង្វាន់ Phenomenal TV Star ពី Guillermo Mendoza Memorial Scholarship Foundation (GMMSF) នៅក្នុងកម្មវិធីប្រគល់ពានរង្វាន់ Box Office Entertainment Awards លើកទី ៣៨។

នៅដើមឆ្នាំ ២០០៩ នាងបានបង្ហាញវត្តមាននៅក្នុងភាពយន្តភាគ Ang Babaeng Hinugot Sa Aking Tadyang។ ក្រោយមកទៀត Rivera ក៏បានសម្ដែងជាតួ Darna ក្នុងភាពយន្តផលិតឡើងវិញ Superhero របស់ប៉ុស្តិ៍ទូរទស្សន៍នៅក្នុងប្រទេសហ្វីលីពីន។

នៅឆ្នាំ ២០១០ Rivera បានសម្ដែងក្នុងវណ្ណកម្មភាពយន្តថ្មីផលិតឡើងវិញយកលំនាំតាមខ្សែភាពយន្តកូរ៉េ Endless Love។ ក្នុងឆ្នាំ ២០១១ Rivera ក៏បានសម្ដែងក្នុងឈុត Amaya ឲ្យប៉ុស្តិ៍ទូរទស្សន៍ GMA Network ផងដែរ។

នៅចុងឆ្នាំ ២០១១ Rivera សហការសម្ដែងជាដៃគូម្ដងទៀតជាមួយមិត្តប្រុសពិតប្រាកដរបស់នាង Dingdong Dantes នៅក្នុងភាពយន្តភាគដែលទស្សនិកជនកំពុងទន្ទឹងរង់ចាំបំផុតមានចំណងជើងថា My Beloved របស់ប៉ុស្តិ៍ទូរទស្សន៍ GMA-7 ដែលបច្ចុប្បន្នកំពុងផលិតសម្រាប់ឆ្នាំ ២០១២នេះ។

វត្តមានមានក្នុងខ្សែភាពយន្ត

នៅឆ្នាំ ២០០៦ Rivera បានចុះកុងត្រាជាមួយ Regal Films និង សម្ដែងក្នុងខ្សែភាពយន្តភ័យរន្ធត់ព្រឺព្រួច

Pamahiin។ មួយឆ្នាំក្រោយមក Rivera បានសហការថតនៅក្នុងពិធី Metro Manila Film Festival (MMFF)ចំនួន ២ មានចំណងជើងថា Bahay Kubo និង Desperadas។ នៅឆ្នាំ ២០០៨ Rivera បានសម្ដែងជាមួយ Richard Gutierrez នៅក្នុងខ្សែភាពយន្តមនោសញ្ចេតនាបែបកំប្លែងនៅក្នុងរឿងពេញនិយម My Best Friend’s Girlfriend។
នៅឆ្នាំ ២០១០ Rivera បានបង្ហាញវត្តមានជាមួយមិត្តប្រុស Dingdong Dantes នៅក្នុងរឿងមនោសញ្ចេតនាបែបកំប្លែងដែលធ្វើឲ្យកក្រើក Box Office មានចំណងជើងថា You to Me Are Everything ។ ហើយនៅខែធ្នូឆ្នាំ ២០១១ Rivera បានសម្ដែងជាតួឯកជា Ramon Bong Revilla Jr. ក្នុងរឿង Panday 2។

ដុង ហេ ឈ្នះពានក្នុងរឿង “ស្នាមញញឹមជាថ្មី

តារាសម្តែង កូរ៉េខាងត្បូង Ji Chang Wook ដែលមិត្តអ្នកអានភាគច្រើនស្គាល់លោកថា ដុង ហេ ឬ Karl Laker តាមរយៈការសម្តែងរឿងស្នាមញញឹមជាថ្មី(Smile, Dong Hae ឬ Smile Again) បានឈ្នះពានរង្វាន់ តារាសម្ដែង ល្អឥតខ្ចោះសម្រាប់ខ្សែភាពយន្តភាគស្នាមញញឹមជាថ្មីនេះ ( Excellence Award for Daily Drama, Actor)។

ឈ្មោះ	ថ្ងៃខែឆ្នាំកំណើត	កម្ពស់	សញ្ជាតិ	ផលិតកម្ម
Ji Chang Wook	៥ កក្កដា ឆ្នាំ ១៩៨៧	១៨២សង់ទីម៉ែត្រ	កូរ៉េខាងត្បូង	Glorious Entertainment

Ji Chang Wook គឺជាតារាសម្ដែងល្បីឈ្មោះ និង ទទួលស្គាល់ពីសាធារណៈជនបន្ទាប់ពីគេបានសម្តែងក្នុងរឿង Hero, Smile Again(Smile, Dong Hae) និង រឿង Warrior Baek Dong Soo។

វត្តមានសម្តែងក្នុងរឿងភាគទូរទស្សន៍(TV Shows)

Bachelor’s Vegetable Store (Channel A, 2011)
Warrior Baek Dong Soo (SBS, 2011)
Smile, Dong Hae (KBS1, 2010)
Hero (MBC, 2009)
The Sons of Sol Pharmacy House (KBS2, 2009)
You Are Very Good (KBS2, 2008)

ភាពយន្ត

Gosa / Death Bell 2 (2010)
Sleeping Beauty (2007)
ពានរង្វាន់

ពានរង្វាន់តារាសម្តែងល្អឥតខ្ចោះឆ្នាំ២០១១ ក្នុងរឿងភាគ ស្នាមញញឹមជាថ្មី ឬ ញញឹម Dong Hae របស់ប៉ុស្តិ៍ទូរទស្សន៍ KBS (Excellence Award for Daily Drama, Actor)
និង ពានរង្វាន់តារាសម្តែងថ្មីឆ្នើមឆ្នាំ ២០១១ ក្នុងរឿង Warrior Baek Dong Soo របស់ប៉ុស្តិ៍ទូរទស្សន៍ SBS

ខាងក្រោមនេះ គឺអ្វីដែល ដុង ហេ បានរៀបរាប់ ៖

“ឈ្មោះរបស់ខ្ញុំគឺ Ji Chang Wook ។ ខ្ញុំកើតនៅថ្ងៃទី ៥ ខែ កក្កដា ឆ្នាំ ១៩៨៧។ ខ្ញុំជាកូនតែម្នាក់គត់នៅក្នុងគ្រួសារ។ ពេលនៅផ្ទះ ខ្ញុំជាមនុស្សស្ងៀមស្ងាត់ម្នាក់ ហើយពេលខ្លះខ្ញុំក៏ជាមនុស្សត្រគោះបោះបោកម្នាក់ដែរ។
កាលខ្ញុំរៀននៅវិទ្យាល័យ ខ្ញុំចង់ធ្វើជាស្ថាបត្យករ ឬ វិស្វករម្នាក់ ប៉ុន្តែខ្ញុំមិនដឹងពីមូលហេតុជាក់លាក់ដែលធ្វើឲ្យខ្ញុំចង់ចាប់ជំនាញបែបនេះនោះទេ។ ពេលខ្ញុំនៅក្មេង សុបិនរបស់ខ្ញុំរេដូចខ្យល់ ពេលខ្លះខ្ញុំចង់ក្លាយជា មន្ត្រីប៉ូលិស គ្រូបង្រៀន ចៅក្រម មេធាវី វេជ្ជបណ្ឌិត និង ការងារជាច្រើនទៀត។ ប៉ុន្តែ ចិត្តរបស់ខ្ញុំផ្លាស់ប្តូរ នៅពេលខ្ញុំចាប់ផ្តើមប្រឈមមុខនឹងទិដ្ឋភាពពិតជាក់ស្តែង(សើច)។

នៅពេលខ្ញុំរៀននៅថ្នាក់ middle school (ថ្នាក់រៀនសម្រាប់សិស្សអាយុចន្លោះពី ៩ ទៅ ១៤ឆ្នាំ) គ្រូបង្រៀននៅសាលារបស់ខ្ញុំបានហៅឈ្មោះសិស្សដែលបានពិន្ទុខ្ពស់ជាងគេ ៥០ នាក់នៅក្នុងសាលាទាំងមូលឲ្យក្រោកឈរដើម្បីទទួលការទះដៃអបអរសាទរពីសិស្សដ៏ទៃទៀត។ ខ្ញុំពិតជាអន់ចិត្តណាស់ដែលខ្ញុំមិនមែនជាសិស្សម្នាក់ក្នុងចំណោមសិស្សទាំងនោះ ដូច្នេះចាប់ពីថ្ងៃនោះមក ខ្ញុំក៏បានបង្ខំខ្លួនឯងឲ្យព្យាយាមរៀនសូត្រ។ ចុងបញ្ចប់ ឈ្មោះរបស់ខ្ញុំក៏ត្រូវបានលោកគ្រូហៅឲ្យក្រោកឈរទទួលការទះដៃសាទរពីសិស្សដទៃ ប៉ុន្តែខ្ញុំយល់ថា ខ្ញុំដូចជានៅក្មេងពេកក្នុងការស្គាល់ពីអារម្មណ៍រីករាយដែលទទួលបានការទះដៃពីមិត្តរួមថ្នាក់។

នៅពេលខ្ញុំ ដាក់ពាក្យចូលរៀននៅក្នុងដេប៉ាតាម៉ង់ភាពយន្ត (Department of Theater and Film) នៃសាកលវិទ្យាល័យ Dankook ខ្ញុំបានសម្តែងបទចម្រៀង “Les Miserables” សម្រាប់ការធ្វើតេស្តចូលរៀន។ ខ្ញុំតែងតែមានចំណាប់អារម្មណ៍នៅក្នុងពិភពតន្ត្រី និង ចូលចិត្តផលិតកម្មធំៗ។ ប៉ុន្តែ ខ្ញុំបែរជាជ្រើសយកផលិតកម្មតូចទៅវិញដោយសារតែខ្ញុំចង់ចូលឲ្យជិតទស្សនិកជនដើម្បីអាចទំនាក់ទំនាក់ជាមួយពួកគេឲ្យបានកាន់តែប្រសើរ។

នៅពេលខ្ញុំសម្តែងក្នុងបទចម្រៀងជាក់ស្តែងមួយនៅផ្លូវ Daehakro(ផ្លូវវប្បធម៌) ខ្ញុំពិតជាច្របូកច្របល់ក្នុងចិត្តណាស់។ នៅពេលនោះខ្ញុំគឺជាតារាសម្តែងដែលក្មេងជាងគេបំផុត ហើយខ្ញុំបានផ្តល់សំពាធដល់ខ្លួនឯងដោយគិតថាខ្ញុំអាចនឹងក្លាយជាតារាសម្តែងដែលសម្តែងអន់បំផុត។ ខ្ញុំព្យាយាមបើកចិត្តឲ្យទូលាយដើម្បីប្រឈមមុខនឹងអ្វីៗទាំងអស់ ប៉ុន្តែខ្ញុំបែរជាបិទផ្លូវខ្លួនឯងខ្ញុំមិនឲ្យបង្ហាញសក្ដានុពលពិតប្រាកដរបស់ខ្ញុំ។
ខ្ញុំចូលចិត្តមើលភាពយន្ត។ ខ្ញុំចូលចិត្តមើលគ្រប់ប្រភេទរឿងទាំងអស់ ប៉ុន្តែបើឲ្យខ្ញុំរើសយកមួយ ខ្ញុំគិតថាខ្ញុំចូលចិត្តមើលរឿងបែបស៊ើបអង្កេតដោះស្រាយរឿងឧក្រិដ្ឋកម្ម។ បើនិយាយពីតារាសម្តែងវិញ Brad Pitt គឺជាតារាសម្តែងដែលខ្ញុំចូលចិត្ត។

ខ្ញុំចូលចិត្តធ្វើលំហាត់ប្រាណ។ នៅពេលខ្ញុំជាសិស្សម្នាក់ ខ្ញុំធ្លាប់រត់ប្រណាំងជាមួយមិត្តភក្តិ លេង បាល់ទាត់ និង បាល់បោះ ហើយពេលខ្លះខ្ញុំហែលទឹកច្រើនដងណាស់។ នៅក្នុងសាលារបស់ខ្ញុំ មានកន្លែងហាត់ប្រាណ និង អាងហែលទឹក។ នៅពេលណាខ្ញុំទំនេរខ្ញុំតែងតែទៅជួបមិត្តភ័ក្តិរបស់ខ្ញុំនៅស្រុកកំណើតទីក្រុង Anyang ហើយពួកយើងតែងតែទៅលេងហ្គេមនៅផ្លូវលេខ ១ ឬ ក៏ទៅហាងអ៊ីនធឺណិតដើម្បីលេងហ្គេមអនឡាញ។ នៅពេលជួបជាមួយមិត្តភ័ក្តិនៅមហាវិទ្យាល័យរបស់ខ្ញុំវិញ ពួកយើងតែងតែនិយាយសួរនាំគ្នាពីបញ្ហាលំបាកក្នុងការងារ ប៉ុន្តែបើខ្ញុំមានបញ្ហាផ្ទាល់ខ្លូនខ្ញុំនឹងទៅជួបមិត្តភ័ក្តិស្និទ្ធស្នាលរបស់ខ្ញុំ។

បើខ្ញុំមានពេលទំនេរខ្ញុំចង់រៀនលេងឧបករណ៍តន្ត្រី ជាពិសេសខ្ញុំចង់រៀនពីរបៀបដេញហ្គីតា។ ខ្ញុំមិនមែនជាអ្នកលេងហ្គីតា ល្អឥតខ្ចោះនោះទេ ប៉ុន្តែខ្ញុំចូលចិត្តវា ហើយខ្ញុំក៏ចង់បន្តរៀនលេង piano ផងដែរ។ នៅពេលខ្ញុំនៅក្មេង ខ្ញុំធ្លាប់រៀនលេង piano ប៉ុន្តែខ្ញុំបានអង្វរម៉ាក់របស់ខ្ញុំឲ្យគាត់អនុញ្ញាតឲ្យខ្ញុំឈប់រៀន ពីព្រោះខ្ញុំស្អប់វាខ្លាំងណាស់។ មនុស្សជាច្រើនប្រាប់ខ្ញុំថា ខ្ញុំមានមុខមាត់ដូច Jonathan Rhys Meyers ហើយ ពេលខ្លះគេដាក់ឈ្មោះក្រៅឲ្យខ្ញុំថា Jonathan” ៕

យន់ សេវ៉ា តួរងឆ្នើមក្នុងរឿង “ស្នាមញញឹមជាថ្មី

សម្រាប់ការសម្ដែងជាតួរងនៅក្នុងរឿង “ស្នាមញញឹមជាថ្មី” តារាសម្ដែង កូរ៉េខាងត្បូងនាង Park Jeong – Ah សម្ដែងជាតួអង្គឈ្មោះ យន់ សេវ៉ាបានឈ្នះពានរង្វាន់ “តួរងសម្ដែងបានល្អបំផុត” របស់ប៉ុស្តិ៍ KBS។

ឈ្មោះ	ថ្ងៃខែឆ្នាំកំណើត	សញ្ជាតិ	កម្ពស់	ទម្ងន់	ក្រុមឈាម
박정아 / Park Jung Ah (Bak Jeong Ah)	២៤ កុម្ភៈ ១៩៨១	កូរ៉េខាងត្បូង	១៦៩សង់ទីម៉ែត្រ	៤៨ Kg	B

យន់ សេវ៉ា មានឈ្មោះពិតប្រាកដថា Park Jeong – Ah។ Park Jeong – Ah គឺជា

តារាចម្រៀង តារាសម្ដែង អ្នកនាំពាក្យខាងម៉ូដែល ពិធីការិនីទូរទស្សន៍ និង DJ វិទ្យុកូរ៉េខាងត្បូង។ Park Jeong Ah ចាប់ផ្ដើមបង្ហាញខ្លួនក្នុងអាជីពសិល្បៈជាលើកដំបូងនៅក្នុងនាមជាសមាជិកក្រុមចម្រៀងនារី Jewelry ក្នុងឆ្នាំ ២០០១។ ដោយសារទេពកោសល្យរបស់នាង Park Jeong – Ah បានក្លាយទៅជាមេក្រុមរបស់ Jewelry ។ Park មានភាពលេចធ្លោជាងសមាជិកផ្សេងៗទៀតនៅក្នុងក្រុមរបស់នាង ដូច្នេះហើយនាងក៏បានក្លាយជាបងស្រីម្នាក់របស់មិត្តរួមក្រុមនោះតែម្តង។ នៅឆ្នាំ ២០០៣ Park បានបង្ហាញវត្តមានជាតារាសម្ដែងលើកដំបូង និង បានបង្ហាញវត្តមាននៅក្នុងខ្សែភាពយន្តជាបន្តបន្ទាប់។

ដោយសារ Jewelry មិនសូវទទួលបានប្រជាប្រិយភាព Park បានក្ដាប់ឱកាសច្រៀងបទចម្រៀងទោលរបស់នាងជាលើកដំបូង។ អាល់ប៊ុមទោលដំបូងរបស់នាងមានចំណងជើង “Yeah” បានចេញក្នុងឆ្នាំ ២០០៦ ដោយក្នុងនោះមានបទ “Superstar” ។ ចំណងជើងបទចម្រៀងដែលផលិត និង សហនិពន្ធដោយផលិតករល្បីល្បាញរបស់សហរដ្ឋអាមេរិក Ian (iRok) Scott និង Mark (MJ) Jackson A.K.A. MJ&iRoK បានក្លាយជាបទចម្រៀងដំបូងដែលអនុញ្ញាតឲ្យ Park ក្លាយជាតារាចម្រៀង Rock ។ អាល់ប៊ុមរបស់នាងក៏ទទួលបានការផលិតពី ផលិតករលេខ ១ នៅ Billboard( #1 Billboard Producer) Eddie Galan នៃផលិតកម្ម Mach 1 Music។ ចាប់ពីខែ វិច្ឆិកា ឆ្នាំ ២០០៦ ដល់ ២០០៩ Park បានគ្រប់គ្រងកម្មវិធីវិទ្យុផ្ទាល់របស់នាងមានឈ្មោះថា “On a Starry Night”។

Park បានសិក្សាបរិញ្ញាបត្រផ្នែកតន្ត្រីនៅសាកលវិទ្យាល័យ Dongduk Women’s University ហើយនាងចេះដេញ Piano បានស្ទាត់ជំនាញ។

Park ធ្លាប់មានទំនាក់ទំនងជាមួយតារាចម្រៀង Hip Hop Leessang និង សមាជិកក្រុមចម្រៀង Infinity Challenge តារាចម្រៀង Gil Seong-joon។ ប៉ុន្តែពួកគេទាំងពីរបានបែកបាក់គ្នានៅខែកុម្ភៈ ឆ្នាំ ២០១១។

វត្តមាននៅក្នុងខ្សែភាពយន្ត

ឆ្នាំ	ចំណងជើង	សម្ដែងជាតួ
2008	Frivolous Wife	Cheon Yeon-soo
2005	The Big Scene	Han Moo-sook
2003	Madeleine	Hong Seong-hye

វត្តមាននៅក្នុងខ្សែភាពយន្តទូរទស្សន៍

ឆ្នាំ	ចំណងជើង	សម្ដែងជាតួ
2011	My One And Only	Cha Do-hee
2010	Smile Again (ស្នាមញញឹមជាថ្មី)	Yoon Sae-wa
2010	Prosecutor Princess	Jenny Ahn
2004	When a Man Loves	In-hye

អាល់ប៊ុមចម្រៀង

Yeah ចេញថ្ងៃទី ២៥ ខែ សីហា ឆ្នាំ ២០០៦

ក្រុមចម្រៀង Jewelry

វត្តមានជាពិធីការិនី

ឆ្នាំ	ទូរទស្សន៍	កម្មវិធី
2009-10	MBC TV	Show Your Mind
2003	KBS 2TV	Music Bank
	MBC TV	Time Machine
	SBS TV	Midnight TV Entertainment
2002	MTV Korea	Live Wow!

វត្តមាននៅក្នុងកម្មវិធីវិទ្យុ

ឆ្នាំ	វិទ្យុ	កម្មវិធី
2006-08	MBC FM	On a Starry Night
2003	KBS FM	I Like Radio

ពានរង្វាន់

២០០៣: តារាកូរ៉េដែលស្លៀកពាក់បានល្អបំផុត(Korea Best Dresser) ប្រចាំ 20th Model Line
២០០៣: KMA “This Year’s Singer”
២០០៤: ឈ្នះពានរង្វាន់ក្នុងការសម្ដែងភាពយន្ត When Man Love របស់ប៉ុស្តិ៍ SBS
២០០៥: ពានរង្វាន់ K-Pop “This Year’s Singer” របស់ប៉ុស្តិ៍ KBS
២០០៦: Album: 1st Album Yeah
២០១១: តួរងដែលសម្ដែងបានល្អបំផុតក្នុងរឿង “ស្នាមញញឹមជាថ្មី” និង រឿង “Just You” របស់ប៉ុស្តិ៍ KBS (ពានរង្វាន់ KBS Drama Awards )។

ប្រវត្តិ ពេជ្រ សោភា

ពេជ្រ សោភា អ្នកស្តាប់បទចម្រៀងសម័យភាគច្រើន គឺសុទ្ធតែស្គាល់ឈ្មោះនេះ ថាជាតារាចម្រៀងដ៏ល្បីមួយរូបប្រចាំផលិតកម្មរស្មីហង្សមាស។ ជាទូទៅ គេស្គាល់ត្រឹមតែទឹកដមសំនៀង និង រូបសម្ផស្សរបស់នាង ប៉ុន្តែគេពុំប្រាកដថា បានដឹងពីការតស៊ូរបស់នាងយ៉ាងណាទេ។ តើអ្នកនាងពេជ្រ សោភា មានការពុះពារក្នុងជីវិតយ៉ាងណា មុននឹងក្លាយខ្លួនជាតារាដ៏ល្បីដូចសព្វថ្ងៃ?

ឈ្មោះ	ថ្ងៃខែឆ្នាំកំណើត	ទីកន្លែងកំណើត	ចំនួនបងប្អូន	កម្ពស់/ទម្ងន់	Face book
ស៊ួ សោភា ហៅពេជ្រ សោភា	ទី៥ ខែ មិថុនាឆ្នាំ ១៩៨៤	សង្កាត់ បឹងសាឡាងខណ្ឌ ទួលគោករាជធានីភ្នំពេញ	៥នាក់ ប្រុស១ស្រី៤	កម្ពស់១៦៥.សម ៥០.គម	SP Pich Sophea

ស្ថានភាពគ្រួសារ

កញ្ញា ពេជ្រ សោភា មានឈ្មោះដើមថា ស៊ួ សោភា ដែលបានដាក់ឲ្យដោយឪពុកម្តាយរបស់នាងដែលមានត្រកូលដូចគ្នា គឺឪពុកឈ្មោះ ស៊ួ សាវ៉ាន អាយុ៧៧ឆ្នាំ និង ម្ដាយឈ្មោះ ស៊ួ សុភាព អាយុ៦៧ឆ្នាំ ។ ប៉ុន្តែក្រោយមក នាងត្រូវបានប្ដូរមកឈ្មោះ ពេជ្រ សោភា។ កញ្ញា ពេជ្រ សោភាបានកើតនៅថ្ងៃទី៥ ខែមិថុនា ឆ្នាំ១៩៨៤ នៅសង្កាត់បឹងសាឡាង ខណ្ឌទួលគោក រាជធានីភ្នំពេញ។ សោភាគឺជាកូនពៅក្នុងចំណោមបងប្អូន៥នាក់ ប្រុស១ ស្រី ៤។ ម្ដាយឪពុករបស់នាងគឺអតីតជាអ្នកបេះបន្លែ បូតស្លឹកអំពិលលក់ និង ពេលខ្លះគាត់ក៏ធ្លាប់ រុញធុងអំពៅសាង ឬ លក់ខ្យងខ្ចៅ នំកងនំក្រូចលក់តាមផ្លូវផងដែរ។ ប៉ុន្តែបច្ចុប្បន្ននេះ ឪពុកម្ដាយរបស់កញ្ញា ពេជ្រ សោភា កំពុងតែរស់នៅលើគំនរទ្រព្យសម្បត្តិរបស់កូនស្រីគាត់ គឺ ពេជ្រ សោភានេះឯង ដែលធ្លាប់ជាក្មេងរុញធុងអំពៅសាងលក់ដ៏កម្សត់ម្នាក់កាលពីមុន។ បច្ចុប្បន្នកញ្ញា ពេជ្រ សោភា មានផ្ទះរហូតដល់ទៅ៣កន្លែង ទី១នៅជិតគុកព្រៃស ទី២នៅទល់មុខបឹងស្នោជិតស្ថានីយទូរទស្សន៍បាយ័ន និងទី៣នៅក្នុងសង្កាត់បឹងកេងកង១។

ប្រវត្តិតស៊ូ
ថ្វីត្បិតកើតនៅក្នុងសង្កាត់បឹងសាឡាងក៏ពិត ប៉ុន្តែកញ្ញាពេជ្រ សោភាបានទៅរស់នៅជាមួយឪពុកម្ដាយរបស់នាងនៅឯស្រុកកំណើតខាងម្ដាយ ក្នុងខេត្តព្រៃវែង ។ នៅពេលនាងអាយុ៦ឆ្នាំ ក្រុមគ្រួសាររបស់នាងបានវិលមករស់នៅក្នុងរាជធានីភ្នំពេញវិញ។ កាលណោះផ្ទះរបស់នាង គឺស្ថិតក្នុង ភូមិសំបុកចាប សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ឪពុកម្ដាយរបស់នាង មានមុខរបរជាអ្នកដើរបេះបន្លែ និងផ្លែអំពិល តាមផ្លូវសាធារណៈដើម្បីយកទៅលក់នៅតាមផ្សារ។ ជាមួយគ្នានោះ ក្រៅតែពីដើរបេះត្រួយបះ បន្លែ និង ផ្លែអំពិលលក់ ម្ដាយឪពុករបស់នាងបានប្រកបរបរដ៏ទៃទៀត គឺលក់ខ្យងខ្ចៅតាមរទេះរុញ លក់អំពៅសាង លក់ទួលម្ជូរ និងទូលនំគមលក់ ជាដើម ។ ដោយនាងគឺជាកូនពៅនៅក្នុងគ្រួសារ ពេលទៅណាមកណា ម្ដាយរបស់នាងយកនាងទៅតាមជានិច្ច។ នៅពេលម្ដាយរបស់នាងរុញធុងអំពៅសាងលក់ ម្ដាយរបស់នាងបានដាក់ឲ្យនាងដេកនៅក្នុងប្រអប់ដាក់អំពៅខាងក្រោម។ សេដ្ឋកិច្ចគ្រួសាររបស់នាងនៅពេលនោះ គឺពិបាកខ្លាំងណាស់ មានពេលខ្លះនាងមិនមានបាយហូបគ្រប់គ្រាន់នោះទេ។ ចំណែកផ្ទះរបស់នាងវិញ ពេលភ្លៀងមកម្ដងៗមិនមានកន្លែងដេកនោះឡើយ ព្រោះដំបូល និងជញ្ជាំងមានការធ្លុះធ្លាយច្រើនកន្លែង។ ទាំងម្ដាយ និងឪពុករបស់នាង គឺសុទ្ធតែធ្លាប់ធ្លាក់ពីលើចុងដើមអំពិលដូចគ្នា។ ឪពុករបស់នាងបានពិការដៃម្ខាងរហូតមកដល់បច្ចុប្បន្ន។ នៅឆ្នាំ២០០២ ក្រុមគ្រួសារនាង និងប្រជាជនផ្សេងទៀតត្រូវបានអាជ្ញាធរបណ្ដេញចេញពីភូមិសម្បុកចាប សង្កាត់ទន្លេបាសាក់ ខណ្ឌចំការមន ដោយត្រូវបានអាជ្ញាធរចែកដីឲ្យមួយកន្លែង ជិតគុកព្រៃស។

ការសិក្សា
កញ្ញា ពេជ្រ សោភាបានចូលសិក្សានៅសាលាបឋមសិក្សាសិក្សា”សុធារស” ស្ថិតក្នុងសង្កាត់ ទន្លេបាសាក់ ខណ្ឌចំការមន រាជធានីភ្នំពេញ។ បន្ទាប់ពីបញ្ចប់ថ្នាក់បឋមសិក្សា នាងបានបន្តទៅរៀននៅវិទ្យាល័យព្រះស៊ីសុវត្ថិ។ ពេលទំនេរពីការសិក្សា នាងតែងតែទៅទៅជួយលក់អំពៅសាង ឬ ទូលនំលក់ ជាមួយម្ដាយ និងបងស្រីជាដើម ។ នៅអាយុ១០ឆ្នាំ នាងចាប់ផ្ដើមរុញធុងអំពៅសាងលក់ដោយខ្លួនឯង ទីកន្លែងដែលនាងលក់ មានដូចជានៅតាមបណ្ដោយមាត់ទន្លេ និងមុខព្រះបរមរាជវាំងជាដើម។នៅរដូវភ្លៀង ក្រុមគ្រួសាររបស់នាងឈប់លក់អំពៅសាង ដោយប្ដូរមកលក់ខ្យងខ្ចៅវិញ ហើយមានពេលខ្លះ ម្ដាយនាងបានធ្វើនំឲ្យនាងទូលលក់។ ពេលនាងត្រូវវេនរៀនព្រឹក នាងត្រូវទៅលក់នៅពេល រសៀល នៅពេលត្រូវរៀនវេនរសៀល នាងត្រូវទៅលក់ពេលព្រឹកវិញម្ដង។ ដោយសារតែ បញ្ហាជីវភាពគ្រួសារក្រីក្រពេក នាងរៀនបានត្រឹមបញ្ចប់ថ្នាក់ទី១២ប៉ុណ្ណោះ។ ប៉ុន្តែក្រោយមក បន្ទាប់ពីនាងមានលទ្ធភាពគ្រប់គ្រាន់ នៅឆ្នាំ២០០៨ និង២០០៩ នាងបានទៅរៀនផ្នែក design ម៉ូដសម្លៀកបំពាក់នៅប្រទេសជប៉ុន ដែលការរៀននោះមាន៣វគ្គ ហើយមួយវគ្គមានរយៈពេល៣ខែ។ ពេលរៀនចប់មួយវគ្គៗ នាងតែងត្រលប់មកកម្ពុជាវិញដើម្បីចេញអាល់ប៊ុមថ្មីកំដរអារម្មណ៍ប្រិយមិត្ត។
ដើមចមនៃការចូលសិល្បៈ
កញ្ញា ពេជ្រ សោភានិយាយថា នាងគឺជាមនុស្សម្នាក់ដែលស្រលាញ់សិល្បៈតាំងតែពីតូចមកម្ល៉េះ កាលនាងនៅរុញធុងអំពៅសាងលក់នាង តែងតែច្រៀងលេង ដោយមិនមានការខ្មាសអៀននោះទេ។ ពេលនាងរុញអុងអំពៅសាងលក់កាត់ភ្លៀង នាងតែងច្រៀងលេងដើម្បីកុំឲ្យរងា។ មានតែចម្រៀងប៉ុណ្ណោះ ដែលអាចជួយរំលែកទុក្ខនៅពេលដែលមានលំបាកចិត្ត។ នៅចុងឆ្នាំ២០០១ នាងបានទៅដាក់ពាក្យប្រលងចម្រៀងនៅក្នុងភោជនីយដ្ឋានមួយ ជិតមជ្ឈមណ្ឌលផាក់វ៉េ ហើយបានពានរង្វាន់ជាប្រាក់មួយចំនួន។ កាលណោះនាងបានឲ្យប្រាក់នោះទៅឲ្យម្ដាយរបស់នាង ដើម្បីទិញម៉ាស៊ីនកិនទឹកអំពៅដើម្បីលក់។ ចាប់ពីពេលនោះមកនាងក៏បានទៅច្រៀងនៅក្នុងភោជនីយដ្ឋានរាត្រីមួយ ជិតទីស្ដីការក្រសួងទេសចរណ៍ចាស់ ដោយបានទទួលថ្លៃឈ្នួលក្នុងមួយយប់២ដុល្លារកន្លះ ហើយក្រោយមកក៏ត្រូវបានថៅកែតម្លើងឲ្យ៣ដុល្លារ ។ នាងច្រៀងនៅទីនោះបានជិតមួយឆ្នាំ ក៏ត្រូវបានមជ្ឈមណ្ឌលស្ប៉ាកចាប់អារម្មណ៍ ហើយបានហៅនាងទៅច្រៀងនៅទីនោះ ដោយបានតម្លៃខ្លួនក្នុងមួយយប់ ៥ដុល្លារ។ ការច្រៀងនៅមជ្ឈមណ្ឌលស្ប៉ាករបស់កញ្ញា ពេជ្រ សោភា គឺបានមិនដល់មួយឆ្នាំផង គឺត្រូវបានទូរទស្សន៍ជាតិកម្ពុជាអញ្ជើញទៅចូលរួមក្នុង “កម្មវិធីជួបជុំមិត្តសិល្បករសិល្បការិនី” ហើយក្រោយមកផលិតកម្មរស្មីហង្សមាសបានចាប់អារម្មណ៍។ នៅឆ្នាំ២០០៣ ផលិតកម្មរស្មីហង្សមាស បានហៅនាងទៅសាកល្បងសំឡេង ហើយបន្ទាប់នាងក៏បានចូលហាត់ច្រៀងក្នុងផលិតកម្មរស្មីហង្សមាសតែម្ដង។ នាងចូលហាត់នៅក្នុងផលិតកម្មរស្មីហង្សមាសបានប្រហែលមួយឆ្នាំទើបនៅទី១៤ ខែ មេសា ឆ្នាំ២០០៤ នាងមានឱកាសចេញវ៉ុលដំបូងរបស់នាង។ បើទោះបីជានាងបានចូលផលិតកម្ម រស្មីហង្សមាសហើយក៏ពិតមែន ប៉ុន្តែជីវភាពក្រុមគ្រួសាររបស់នាងនៅមិនទាន់មានស្ថានភាពប្រសើរភ្លាមៗនៅឡើយទេ។ នាងបានប្រើពេលប្រហែលជាងកន្លះឆ្នាំទើបក្រុមគ្រួសាររបស់នាងបានឈប់លក់ទឹកអំពៅ។

ទស្សនិកជនស្គាល់ និង ស្នាដៃ
នាងបាននិយាយថា ពេលវ៉ុលដំបូងរបស់នាងចេញភ្លាម គឺទស្សនិកជនចាប់ទទួលស្គាល់នាងតែម្ដង គឺតាមរយៈបទ “Better Day”។ បទ “Better Day” គឺជាបទចម្រៀងបើកទំព័រជីវិតថ្មីរបស់ក្រុមគ្រួសារនាង ដែលនាងមិនអាចបំភ្លេចបានទេ។ បន្ទាប់ពីវ៉ុលដំបូងនេះ ផលិតកម្មរស្មីហង្សមាសក៏បានផ្ដល់ឱកាសឲ្យនាងចេញបទចម្រៀងកាន់ច្រើនឡើងៗ ដែលមាន ដូចជា «ស្ដាប់បេះដូងអូនផង», «នារីល្ងើស្មោះស្នេហ៍», «ស្រីល្ងង់», «ចាំបងមានថ្មីចាំបែកពីអូន», «លាងចិត្តឲ្យជ្រះ», ឬ បទ «Dream About You»។ រហូតមកទល់បច្ចុប្បន្ននេះ នាងបានច្រៀងរហូតដល់ទៅរាប់រយបទឯណោះ ដែលបទចម្រៀងភាគច្រើនរបស់នាងគឺ ត្រូវបានទស្សនិកជនទទួលស្គាល់។ មិនត្រឹមតែច្រៀងនោះទេ កញ្ញា ពេជ្រ សោភាក៏ធ្លាប់និពន្ធបទចម្រៀង និង ម្ដែងខារ៉ាអូខេបានជាច្រើនបទផងដែរ ។
ចេញទៅក្រៅប្រទេស
នាងច្រៀងនៅក្នុងផលិតកម្មរស្មីហង្សមាសបានប្រហែល១ឆ្នាំប៉ុណ្ណោះ ក៏មានឱកាសចេញសម្ដែងនៅក្រៅប្រទេសតែម្ដង។ ប្រទេសដែលនាងចេញទៅលើកដំបូងគេនោះគឺ អូស្ត្រាលី ក្នុងឆ្នាំ២០០៤ ។ បន្ទាប់មកទៀតគឺ កាណាដា បារាំង ជប៉ុន អាមេរិក…អាចនិយាយបានថា នៅលើពិភពលោក ប្រទេសដែលមានប្រជាជនខ្មែររស់នៅ គឺនាងបានទៅច្រៀងទីនោះទាំងអស់។

ជីវិតស្នេហា
នាងបាននិយាយថា នាងធ្លាប់ទទួលរងនូវព័ត៌មានចចាមអារាមពាក់ព័ន្ធនឹងរឿងស្នេហាជាច្រើន ដូចជាគេថានាងមានប្ដី មានកូន និង យកប្ដីគេ។ ត្រង់ចំណុចនេះ នាងសុំបញ្ជាក់ថា នាងមិនធ្លាប់មានរឿងរ៉ាវដូចសារព័ត៌មួយចំនួនបានចុះផ្សាយនោះទេ ។
កន្លងមកនាងធ្លាប់មានគួដណ្ដឹងម្ដង ប៉ុន្តែក្រោយមកបានបែកគ្នាទៅវិញ ដោយសារតែនាងគិតថា មិនអាចរស់នៅជាមួយគ្នាទៅថ្ងៃអនាគតបាន។ បច្ចុប្បន្ននេះ នាងនៅមិនទាន់មានម្ចាស់ចិត្តនៅឡើយទេ បើទោះជានាងមានអាយុ២៨ឆ្នាំហើយក្ដី។ ការមិនទាន់មានម្ចាស់បេះដូងនេះមិនមែនមានន័យថា នាងខ្លាចស្នេហា ទុកបេះដូងរបស់នាងឲ្យនៅទំនេរនោះទេ កត្តាដែលសំខាន់នេះ គឺមកពីនាងមិនទាន់បានជួបបុរសដែលអាចផ្ដល់សុភមង្គលដល់នាងបាន។ អ្វីដែលជាលក្ខខណ្ឌធំបំផុតនៅក្នុងជីវិតស្នេហារបស់នាងនោះ គឺបុរសដែលជាគួអនាគតរបស់នាង ដាច់ខាតត្រូវតែស្រលាញ់ឪពុកម្ដាយរបស់នាង ហើយចាត់ទុកឪពុកម្ដាយរបស់នាងជាធំ។
ផែនការទៅថ្ងៃអនាគត
កញ្ញា ពេជ្រ សោភានិយាយថា អាជីពជាតារាចម្រៀងបានធ្វើឲ្យនាងងើបផុតពីជីវិតជាក្មេងរុញធុងអំពៅលក់នៅតាមផ្លូវសាធារណៈ និង ជីវិតដែលហូបមិនគ្រប់។ ហេតុនោះនាងមិនបោះបង់អាជីពចម្រៀងនេះទេ ពោលគឺនាងនៅតែបន្តរហូត លុះត្រាណាអស់ទស្សនិកជនគាំទ្រ។ ប៉ុន្តែទោះបីជាយ៉ាងណានាងបារម្ភណ៍ថា នាងមិនអាចបន្តច្រៀង រហូតដល់នាងមានវ័យកាន់តែចាស់បានទេ ពីព្រោះសំឡេងរបស់នាងអាចនឹងមានការប្រែប្រួល នៅពេលវ័យកាន់តែកើនឡើង។ ដូច្នេះហើយ ទើបនាង បានចាប់អាជីពផ្សេងមួយទៀត គឺជាអ្នកឆ្នៃម៉ូដម្នាក់ ដែលនាងកំពុងតែរកស៊ីជាមួយរោងចក្រសំលៀកបំពាក់ មួយក្នុងរាជធានីភ្នំពេញ។ នាងបានចាប់ជំនួញមួយនេះយូយារណាស់មកហើយដែរ។ ទៅថ្ងៃអនាគតនាង ចង់បង្កើតរបររកស៊ីមុខមួយបន្ថែមទៀត ប៉ុន្តែនាងមិនបានបង្ហើបពីជំនួញនោះនៅឡើយទេ។ អ្វីដែលជាគោលបំណងធំបំផុតរបស់នាងនោះ គ្រប់យ៉ាងដែលនាងខិតខំប្រឹងប្រែងកន្លងមក គឺដើម្បីឪពុកម្តាយរបស់នាងរស់នៅសុខស្រួលតែប៉ុណ្ណោះ៕

ខ្សែជីវិតពិតរបស់ Taylor Swift

Taylor Swift គឺជាតារាចម្រៀង អ្នកនិពន្ធបទចម្រៀងសញ្ជាតិអាមេរិក ដែលទស្សនិកជននៅទូទាំងពិភពលោកបានកើតសរសើរ។ ប៉ុន្តែ តើប្រិយមិត្តដឹងថា នាងមានប្រវត្តិយ៉ាងណាដែរឬទេ?

ឈ្មោះ	ថ្ងៃខែឆ្នាំកំណើត	ទីកន្លែងកំណើត	កម្ពស់	ភិនភាគ និងចំណង់ចំណូលចិត្ត
Taylor Alison Swift	១៣ ធ្នូ ១៩៨៩	រដ្ឋ Pennsylvaniaសហរដ្ឋអាមេរិក	១៨០ សង់ទីម៉ែត្រ	សក់ពណ៌ទង់ដែង,ចូលចិត្តស្បែកជើងកវែងបែប Cowboyនិងដេញហ្គីតា

ជីវប្រវត្តិសង្ខេប

Taylor Swift មានឈ្មោះពេញថា Taylor Alison Swift។ នាងកើតនៅថ្ងៃទី ១៣ ខែ ធ្នូឆ្នាំ ១៩៨៩ នៅ Reading រដ្ឋ Pennsylvania សហរដ្ឋអាមេរិក។ ឪពុករបស់នាង Scott Swift គឺជាអ្នកផ្ដល់ប្រឹក្សាផ្នែកហិរញ្ញវត្ថុនៅក្រុមហ៊ុន Merrill Lynch ចំណែកឯម្ដាយរបស់នាងមានឈ្មោះ Andrea គឺជាមេផ្ទះម្នាក់ដែលកាលពីមុនគាត់ធ្លាប់ធ្វើជាអ្នកប្រតិបត្តិផ្នែកទីផ្សារម្នាក់។ Andrea រស់នៅសិង្ហបុរីរយៈពេល ១០ ឆ្នាំមុនពេលនាងបានប្ដូរទៅរស់នៅទីក្រុង Texas។ ម្ដាយរបស់ Swift មានជំនឿថា ឈ្មោះរបស់ Swift នឹងជួយឲ្យនាងបានទទួលភាពជោគជ័យនៅក្នុងពិភពសិល្បៈ។ Swift មានប្អូនប្រុសម្នាក់ឈ្មោះ Austin ដែលបានចូលរៀននៅក្នុងសាកលវិទ្យាល័យ Vanderbilt។ នៅពេល Swift មានអាយុ ៩ ឆ្នាំ គ្រួសាររបស់នាងបានប្ដូរទីលំនៅទៅរស់នៅតំបន់ Wyomissing រដ្ឋ Pennsylvania។ បន្ទាប់មក Swift បានចូលរៀននៅមជ្ឈមណ្ឌល West Reading Elementary និងចូលរៀននៅអនុវិទ្យាល័យ និងវិទ្យាល័យ Wyomissing Area។

ចំណង់ចំណូលចិត្តដំបូងរបស់ Swift គឺនាងចូលចិត្តជិះសេះបែបអង់គ្លេស។ ប៉ុន្តែនៅពេលនាងមានអាយុ ៩ ឆ្នាំ នាងបានប្ដូរមកចាប់អារម្មណ៍ទៅលើវិស័យចម្រៀងវិញ។ នៅអាយុ ១១ ឆ្នាំ Swift បានឈ្នះការប្រកួតនៅក្នុងកម្មវិធីជ្រើសរើសអ្នកមានទេពកោសល្យក្នុងតំបន់ដោយពេលនោះ Swift បានច្រៀងបទ “Big Deal” របស់តារាចម្រៀង LeAnn Rimes។

ដោយសារមើលឃើញពីទេពកោសល្យរបស់ខ្លួន Swift ក៏បានធ្វើដំណើរទៅជាមួយម្ដាយរបស់នាងដើម្បីសុំចូលច្រៀងនៅក្នុងផលិតកម្មមួយ។ ប៉ុន្តែនាងត្រូវផលិតកម្មនោះបដិសេធ។ ក្រោយមក Swift ក៏បានឡើងសម្ដែងនៅក្នុងព្រឹត្តិការណ៍ប្រកួតកីឡា “The Star Spangled Banner” ដោយនាងយល់ថានោះជាឱកាសដែលអាចឲ្យនាងឈរច្រៀងនៅចំពោះមុខមនុស្ស ២ម៉ឺននាក់។ ខុសប្លែកពីក្មេងដ៏ទៃ Swift អាយុ ១១ ឆ្នាំបានទះដៃ(High-fived)ជាមួយកំពូលតារាចម្រៀងរ៉េប Jay-Z បន្ទាប់ពីនាងបានច្រៀងចម្រៀងជាតិនៅក្នុងកម្មវិធីប្រកួត 76ers នៅតំបន់ Philadelphia។ នៅអាយុ ១២ ឆ្នាំ Swift ត្រូវអ្នកជួសជុលកុំព្យូទ័រម្នាក់បានបង្រៀននាងឲ្យចេះដេញហ្គីតាខ្សែបី ហើយពេលនោះជាពេលដែលបំផុសគំនិតឲ្យ Swift និពន្ធបទចម្រៀងដំបូងរបស់នាងមានចំណងជើងថា “Lucky You” ។
ពីមុន Swift ធ្លាប់ឈ្នះការប្រកួតសូត្រកំណាព្យថ្នាក់ជាតិដែលពេលនោះនាងសូត្រកំណាព្យមួយបទមានចំណងជើងថា “Monster in My Closet” ប៉ុន្តែបច្ចុប្បន្ននាងមិនបានបន្តការនិពន្ធ ឬ សូត្រកំណាព្យទៀតទេ ដោយនាងចាប់ផ្ដើមផ្ដោតទៅលើការនិពន្ធបទចម្រៀងវិញ។
នៅពេល Swift មានអាយុ ១៤ ឆ្នាំ ឪពុករបស់នាងក៏ត្រូវក្រុមហ៊ុន Merrill Lynchប្ដូរឲ្យទៅធ្វើការនៅការិយាល័យ Nashville ដូច្នេះគ្រួសាររបស់នាងក៏ត្រូវប្ដូរទីលំនៅម្ដងទៀតទៅរស់នៅ Hendersonville រដ្ឋTennessee សហរដ្ឋអាមេរិក។ Swift បាននិយាយថានោះគឺជាការលះបង់ដែលមិនគួរឲ្យជឿមួយរបស់នាងចំពោះគ្រួសារ។ នាងបន្ថែមទៀតថា ឪពុកម្ដាយរបស់នាងសុខចិត្តប្ដូរទៅរស់នៅសហគមន៍ល្អមួយជាជាងផ្ដល់ឱកាសឲ្យនាងក្លាយជាតារា។ នៅ Tennessee Swift បានចូលរៀនវិទ្យាល័យ Hendersonville បន្ទាប់មកនាងក៏បានប្ដូរទៅរៀននៅសាលាគ្រិស្តសាសនាឯកជន Aaron ។Swift ទទួលបាននិទ្ទេស A គ្រប់មុខវិជ្ជា ហើយនាងបានទទួលសញ្ញាប័ត្រថ្នាក់វិទ្យាល័យក្នុងឆ្នាំ ២០០៨។
អាជីពនិងភាពជោគជ័យ
ដោយសារតែឃើញពីទេពកោសល្យរបស់Taylor Swift លោកScott Borchetta ដែលជាម្ចាស់ផលិតកម្ម Big Machine Recordsបានទទួលឲ្យ Taylorចុះកុងត្រាជាតារាដំបូងជាមួយផលិតកម្មរបស់លោក។ អាល់ប៊ុមដែលបានចេញដំបូងរបស់នាងមានចំណងជើងថា “Taylor Swift” ចេញនៅខែតុលាឆ្នាំ២០០៦ហើយទទួលបានការគាំទ្រជាវិជ្ជមាន។ បទចម្រៀង ”Our Song” នៅក្នុងអាល់ប៊ុមរបស់នាងបានធ្វើឲ្យ Swift ក្លាយជាតារាចម្រៀង country ទទួលបានចំណាត់ថ្នាក់លេខ១វ័យក្មេងបំផុត។

នៅឆ្នាំ២០០៨ Taylor Swift បានចេញអាល់ប៊ុមមួយទៀតដែលមានចំណងជើងថា ”Fearless” ដែលមានបទចម្រៀងនាំមុខ “Love Story” ហើយបទនេះបានក្លាយជាបទចម្រៀងដែលលក់ដាច់បំផុតទី២នៅក្នុងប្រវត្តិសាស្ត្របទចម្រៀងចង្វាក់ country។

បន្ទាប់មកក្នុងឆ្នាំ២០០៩ នាងបានចេញបទ “You Belong with Me” ដែលជាបទធ្វើឲ្យ Swiftបានទទួលជោគជ័យយ៉ាងខ្លាំងក្លាបំផុតនៅក្នុងអាជីព។ នៅក្នុងខែកញ្ញាឆ្នាំ២០០៩ Swift បានក្លាយទៅជាតារាចម្រៀងចង្វាក់ countryដំបូងគេបំផុតដែលទទួលបានពានរង្វាន់ MTV Video Music Award ជាមួយនឹងបទ “You Belong with Me”។ នៅខែវិច្ឆិកាឆ្នាំ២០០៩ Swift បានក្លាយជាតារាក្មេងជាងគេបំផុតក្នុងចំណោមស្ត្រីទាំង៦អ្នកដែលត្រូវបានសមាគមតន្ត្រីចង្វាក់ country (Country Music Association)ផ្ដល់រហស្សនាមថា ”Entertainer of the Year”។

នៅខែតុលាឆ្នាំ២០១០ Taylor Swift បានចេញអាល់ប៊ុមលើកទី៣របស់នាងដែលមានចំណងជើងថា”Speak Now” ដែលមានបទចម្រៀងគ្រប់បទសរសេរដោយនាងផ្ទាល់។ ដើម្បីបង្កើនភាពល្បីល្បាញទៅលើ អាល់ប៊ុម “Speak Now” របស់នាង Swift បានធ្វើការប្រគំតន្ត្រីទស្សនាចរ នៅទ្វីបចំនួន៤ក្នុងនោះ ការប្រគំនៅក្នុងទ្វីបអាស៊ីមានចំនួន ៧កន្លែង ការប្រគំនៅក្នុងទ្វីបអឺរ៉ុបចំនួន ១២កន្លែង ៨០កន្លែងនៅអាមេរិក និង១២នៅក្នុងទ្វីបអូស្ត្រាលីដែលចំណាយពេលសរុបទាំងអស់១៣ខែ។

នៅក្នុងឆ្នាំ២០១២ Taylor Swift បានថតបទចម្រៀងចំនួន២បទសម្រាប់ចាក់ក្នុងរឿង The Hunger Games ដែលបទទាំងនោះមានចំណងជើងថា Safe & Sound និង Eyes Open។ ថ្មីៗនេះកាលពីខែឧសភា ២០១២ Swift បានថតបទចម្រៀងជាមួយនឹង B.o.B ដែលមានចំណងជើងថា “Both of Us” ។

ពានរង្វាន់
Swift ទទួលបានពានរង្វាន់ Grammy ចំនួន ៦ ពានរង្វាន់ American Music ចំនួន ១០ ពានរង្វាន់ Country Music Association ចំនួន ៧ ពានរង្វាន់ Academy of Country Musicចំនួន ៦ និងពានរង្វាន់ BMI ចំនួន ១៣។ ក្នុងនាមជាអ្នកនិពន្ធបទចម្រៀង Swift បានទទួលងារកិត្តិយសដោយ Nashville Songwriters Association និង the Songwriters Hall of Fame។

ជីវិតពិតតុលាការមុខដែក ប៉ាវ ចិន

ឈ្មោះ	ថ្ងៃខែឆ្នាំកំណើត	ទីកន្លែងកំណើត	ឆ្នាំចូលប្រឡូកក្នុងវិស័យសិល្បៈ	ភរិយា
Jin Chao-chun( 金超群)	២៦ វិច្ឆិកា ១៩៥១	ទីក្រុង តៃប៉ិ តៃវ៉ាន់	១៩៧៩- បច្ចុប្បន្ន	Chen Chi

ប៉ាវ ចិន មានឈ្មោះពិតថា Jin Chao-chun គឺជាម្ចាស់ពានរង្វាន់ Golden Bell Award និងជាតារាសម្ដែង អ្នកនិពន្ធ និងផលិតករទូរទស្សន៍តៃវ៉ាន់ដែលល្បីឈ្មោះតាមរយៈការសម្ដែងនៅក្នុងរឿងបុរាណចិន Justice Bao ក្នុងឆ្នាំ ១៩៩៣។

មុនឆ្នាំ ២០១២ Jin Chao-chun បានសម្ដែងជាតួ ប៉ាវ ចិន (Bao Zheng) ជាង ៧០០ ភាគដែលភាពយន្តនេះបានថតនៅតៃវ៉ាន់ ហុងកុង ចិនដីគោក និងប្រទេសសិង្ហបុរី។ នៅឆ្នាំ ១៩៩៧ Jin Chao-chun បានធ្វើហិរញ្ញប្បទានបង្កើតស្ទូឌីយោឈ្មោះថា “Chao-chun Film Studio” នៅ Qingdao នៅក្នុងប្រទេសចិនដើម្បីថតរឿង ប៉ាវ ចិន នេះទៀតផង។

នៅក្នុងការសម្ដែងរឿង “Bao Qing Tian” (“Legend of Justice Bao Zheng”) Jin Chao-Chun បាននិយាយថា “ខ្ញុំរស់នៅក្នុងនាមជាតួអង្គ ប៉ាវ ចិននេះយូរមកហើយ!”។ ប៉ាវ ចិន ឬ ប៉ាវ ជីងធៀន(Bao Qing Tian) តែងតែបានទទួលការជួយពីជំនួយការរបស់លោកទាំងពីរគឺអង្គរក្សចិន ចាវ (Zhan Zhao) និងលោក កុង ស៊ុន(Gongsun Ce)។ ដូច្នេះ នៅពេលចូលរួមធ្វើការផ្សព្វផ្សាយខ្សែភាពយន្តនេះជាមួយតារាសម្ដែង Kenny Ho (ចិន ចាវ) និង Fan Hung Hsuan(កុង ស៊ុន) Jin Chao-Chun(ប៉ាវ ចិន) បាននិយាយថារូបលោកមិនអាចសម្ដែងរឿងនេះបានល្អនោះទេប្រសិនបើគ្មានវត្តមានរបស់ Kenny Hoនិង Fan Hung Hsuan ចូលរួមសម្ដែង។

ខ្សែភាពយន្តដែលផ្អែកតាមឯកសារប្រវត្តិសាស្ត្ររៀបរាប់ពីការស៊ើបក្ដីរបស់តុលាការមុខដែក “ប៉ាវ ចិន” គឺជាភាពយន្តមួយដែលប្រជាជនចិនទាំងអស់ចាត់ទុកឈ្មោះ ប៉ាវ ចិន គឺជានិមិត្តសញ្ញានៃភាពយុត្តិធម៌។

ព្រះរាជជីវប្រវត្តិរបស់ព្រះករុណាសម្តេចព្រះ នរោត្តម សីហនុ

ព្រះករុណា ព្រះបាទសម្ដេចព្រះ នរោត្ដម សីហនុ ព្រះមហាក្សត្រនៃព្រះរាជាណាចក្រកម្ពុជា ព្រះអង្គប្រសូត្រនៅថ្ងៃអង្គារ ១១ កើត ខែកក្ដិក ឆ្នាំច ចត្វាស័ក ព.ស.២៤៦៥ ត្រូវនឹងថ្ងៃទី៣១ ខែតុលា ឆ្នាំ១៩២២ នៅរាជធានីភ្នំពេញ ព្រះរាជាណាចក្រកម្ពុជា។

ការសិក្សា

ពីឆ្នាំ១៩៣០ ដល់ឆ្នាំ១៩៤០ ព្រះអង្គបានចូលសិក្សា នៅសាលាបឋមសិក្សា Francois Baudoin និងវិទ្យាល័យព្រះស៊ីសុវត្ថិ រាជធានីភ្នំពេញ ក្រុងភ្នំពេញ។ បន្ទាប់មក ព្រះអង្គបានបន្តការសិក្សានៅវិទ្យាល័យបារាំង សាសលូឡូបា (Lycée Chasseloup Laubat) នៅព្រៃនគរ (វៀតណាមខាងត្បូង)។

នៅឆ្នាំ១៩៤៦ និង១៩៤៨ ព្រះអង្គបានបន្តការសិក្សាជាន់ខ្ពស់ នៅសាលាអនុវត្តទ័ពសេះ និងកងទ័ពរថពាសដែកនៅសូមៀរ (Saumur) ប្រទេសបារាំង។

ការគ្រងរាជ្យសម្បត្តិលើកទី១

នៅខែមេសា ឆ្នាំ១៩៤១ ក្រុមប្រឹក្សាព្រះរាជបល្ល័ង្គ បានជ្រើសតាំង និងថ្វាយព្រះរាជឋានៈព្រះអង្គជា ព្រះមហាក្សត្រ នៃព្រះរាជាណាចក្រកម្ពុជា នៅរាជធានីភ្នំពេញ។ ព្រះអង្គឡើងគ្រងរាជសម្បត្តិនៅថ្ងៃទី២៨ ខែតុលា ឆ្នាំ១៩៤១។បន្ទាប់ពីប្រទេសកម្ពុជាបានទទួលឯករាជ្យពីប្រទេសបារាំង ព្រះអង្គបានដាក់រាជ្យថ្វាយព្រះបិតានៅថ្ងៃទី០២ ខែមីនា ឆ្នាំ១៩៥៥។

ការគ្រងរាជ្យសម្បត្តិលើកទី២

ព្រះអង្គទ្រង់បានឡើងគ្រងរាជ្យជាលើកទី២ នៅថ្ងៃទី២៤ កញ្ញា ១៩៩៣ ហើយទ្រង់បានដាក់រាជ្យវិញនៅថ្ងៃទី០៧ ខែ តុលា ឆ្នាំ ២០០៤។ ក្រោយពីការដាក់រាជ្យ ព្រះអង្គត្រូវបានគេថ្វាយព្រះនាមថា ព្រះមហាវីរក្សត្រ ។

ព្រះរាជបូជនីយកិច្ច

ក្នុងឆ្នាំ១៩៤៧ ព្រះបាទសម្ដេចព្រះនរោត្ដម សីហនុ ព្រះអង្គមានមហាជោគជ័យក្នុងការទាមទារឲ្យរាជាណាចក្រថៃឡង់ដ៍ សងមកព្រះរាជអាណាចក្រកម្ពុជាវិញជាដាច់ខាតនូវខេត្តខ្មែរ ដែលក្នុងពេលមានចម្បាំងសកលលោកលើកទី២ ថៃឡង់ដ៍បានយកពីកម្ពុជាទៅ គឺខេត្តបាត់ដំបង សៀមរាប កំពង់ធំ ស្ទឹងត្រែង។

ឆ្នាំ១៩៤៩ ព្រះអង្គបានទាមទារឲ្យប្រទេសបារាំងបញ្ឈប់នូវសន្ធិសញ្ញាអាណាព្យាបាល ដែលបានចុះហត្ថលេខានៅឆ្នាំ១៨៦៣ និងឆ្នាំ១៨៨៤។ នៅឆ្នាំ១៩៤៩ដដែល ព្រះអង្គបានឡាយព្រះហត្ថលេខា លើសន្ធិសញ្ញាឯករាជ្យ ដែលប្រទេសបារាំងព្រមទទួលស្គាល់តាមផ្លូវច្បាប់នូវឯករាជ្យរបស់ព្រះរាជអាណាចក្រកម្ពុជា។ សន្ធិសញ្ញាឆ្នាំ១៩៤៩ នេះ លុបចោលនូវសន្ធិសញ្ញាអាណាព្យាបាលឆ្នាំ១៨៦៣ និងឆ្នាំ១៨៨៤។

ពីឆ្នាំ១៩៥២ ដល់១៩៥៣ ព្រះអង្គបានយាងបំពេញព្រះរាជបូជនីយកិច្ចទាមទារកេតនភណ្ឌឯករាជ្យ១០០ភាគរយជូនជាតិមាតុភូមិ។

នៅថ្ងៃទី០៩ ខែវិច្ឆិកា ឆ្នាំ១៩៥៣ ដោយស្នាព្រះហត្តដ៏ឧត្ដុង្គឧត្ដមរបស់ព្រះអង្គ ព្រះរាជអាណាចក្រកម្ពុជាបានទទួលឯករាជ្យទាំងស្រុងពីសាធារណរដ្ឋបារាំង។ ប្រជារាស្ត្រកម្ពុជាទូទាំងប្រទេស សូមថ្វាយព្រះកិត្តិនាមព្រះអង្គជា “ព្រះមហាវីរបុរសជាតិ – ព្រះបិតាឯករាជ្យជាតិ”។

ថ្ងៃទី១៥ មិថុនា ១៩៥២ ព្រះបាទនរោត្តមសីហនុវរ្ម័ន ទ្រង់បានថ្លែងជាឱឡារិកថា ព្រះអង្គនឹងខិតខំស្វែងរកឯករាជ្យបរិបូរជូនជាតិ មាតុភូមិឲ្យបានដាច់ខាតក្នុងរយៈពេល៣ឆ្នាំ។ ក្នុងពេលនោះ ដោយមានសហការីជួយគាំទ្រផង ព្រះអង្គទ្រង់យាងទៅកាន់ប្រទេសបារាំងក្នុងខែកុម្ភៈ១៩៥៣។ នៅទីនោះ ព្រះអង្គបានផ្ញើសារលិខិតជូនលោក វ៉ាំងសង់អូរីយ៉ូល ប្រធានាធិបតីនៃសាធារណរដ្ឋបារាំង ចំនួន៣លើក៖

លើកទី១ ថ្ងៃទី ៥ មីនា ១៩៥៣ ពីទីក្រុងណាពូល
លើកទី២ ថ្ងៃទី ១៨ មីនា ១៩៥៣ ពីទីក្រុងណាពូលដែរ
លើកទី៣ ថ្ងៃទី ៣ មេសា ១៩៥៣ ពីទីក្រុងផុងតែណឺប្លូ។

ដោយរដ្ឋាភិបាលបារាំងពុំមានអើពើអ្វីនឹងសំណើនោះ ព្រះអង្គទ្រង់សម្រេចព្រះទ័យយាងទៅធ្វើយុទ្ធនាការទាមទារឯករាជ្យនៅក្នុងប្រទេសកាណាដា និងសហរដ្ឋអាមេរិកទៀត។

នៅកាណាដា ក្នុងទីក្រុងម៉ុងរេអាល់ ទ្រង់បានថ្លែងទៅពួកអ្នកសារព័ត៌មានដោយសង្កត់ធ្ងន់លើបញ្ហាពីរទាក់ទងនឹងរាជាណាចក្រកម្ពុជា និងប្រទេសបារាំង ដែលជាតំណាងប្រទេសលោកសេរី ក្នុងឥណ្ឌូចិន៖

ទី១ គឺបញ្ហាប្រយុទ្ធប្រឆាំងនឹងពួកកុំមុយនីស
ទី២ គឺបញ្ហាឯករាជ្យបរិបូរសម្រាប់ព្រះរាជាណាចក្រកម្ពុជា។

យោងលើបញ្ហានេះ ព្រះអង្គទ្រង់បញ្ជាក់ថា ប្រជាពលរដ្ឋខ្មែរពុំត្រូវការរបបកុំមុយនីសទេ ព្រោះថាប្រជាពលរដ្ឋខ្មែរម្នាក់ៗសុទ្ធតែមានដីធ្លីជាកម្មសិទ្ធិ សម្រាប់បង្កបង្កើនផលរបស់ខ្លួន។ បញ្ហាដែលគេចង់បាននោះគឺ ឯករាជ្យបរិបូរសម្រាប់ប្រទេសជាតិ។ ចំណែកពួកកុំមុយនីស គេមើលឃើញថាប្រទេសកម្ពុជា ជាទីតាំងមួយប្រសើរសម្រាប់ពួកគេ។

នៅសហរដ្ឋអាមេរិក ព្រះអង្គទ្រង់ធ្វើសេចក្ដីថ្លែងការណ៍មួយដែលត្រូវបានសារព័ត៌មានដ៏ធំមួយឈ្មោះ ញូវយ៉កថែម ចុះផ្សាយក្នុងទំព័រទី១របស់គេ នៅថ្ងៃទី ១៩ មេសា ១៩៥៣ ដែលធ្វើឲ្យពិភពលោកទាំងមូលមានការភ្ញាក់ផ្អើល។ ខ្លឹមសារគឺ “… បើបារាំងមិនយល់ព្រមប្រគល់ឯករាជ្យឲ្យកម្ពុជាទេនោះ នឹងមានគ្រោះថ្នាក់មួយយ៉ាងពិតប្រាកដ គឺថាប្រជាពលរដ្ឋខ្មែរនឹងក្រោកឈរឡើងប្រឆាំងនឹងបារាំង ហើយគេនឹងងាកទៅរកចលនាវៀតមិញ ដែលដឹកនាំដោយពួកកុំមុយនីស”។ ក្នុងករណីមានការគំរាមកំហែង ប្រជាពលរដ្ឋប្ដេជ្ញាថា “ពួកបារាំងទាំងអស់ដែលនៅក្នុងស្រុកខ្មែរ នឹងត្រូវឡោមព័ទ្ធ ហើយជីវិតចុងក្រោយរបស់ពួកគេនឹងមកដល់ … “។

ព្រះបញ្ញាញាណខាងលើនេះ បានធ្វើឲ្យមតិសកលលោក ពិសេសលោកខាងលិច តម្រូវឲ្យរដ្ឋាភិបាលបារាំងព្រមចូលរួមធ្វើការចរចាជាមួយរដ្ឋាភិបាលកម្ពុជា ស្ដីពីឯករាជ្យបរិបូរនៃរាជាណាចក្រកម្ពុជា

The Blackeyes pea Bio

In an era of an ever-changing music industry that's defined by diminishing expectation, where a "successful" career means having one, maybe two hit records; The Black Eyed Peas are a glorious exception. They have become one of the best selling, most popular and most innovative groups for over a decade. They have transformed themselves from a beloved backpack rap troop from the West Coast Underground into fully-fledged, massive global superstars whose music can be heard in any country around the world.

They've done this the right way: creating albums that are more innovative than the last; which has translated into each new album being more popular than the last. And in following this pattern, The Black Eyed Peas – will.i.am, Fergie, Taboo and apl.de.ap – are releasing their sixth full-length album, The Beginning.

The Beginning follows on the heels of 2009's The E.N.D., BEP's most popular and most creative album to date – and the album that reaffirmed their singular status as global music icons. The E.N.D sold more than 11 million copies worldwide; it entered the Billboard Top 200 Chart at #1 outperforming their previous cd, Monkey Business– an unheard of feat in this day and age. It yielded 5 Top 10 singles (the first album to do so in 20 years), spent an entire year in the Billboard Top 200 Chart, and earned the group 3 new Grammy Awards, for a total of six Grammy Awards they've won. In all, they've sold 29 million records worldwide (plus over 30-million digital tracks). They've sold over 3-million tickets and headlined over 300 different tour dates in 29 different countries. Simply put, there doesn't exist another contemporary artist or group who can come close to their sustained success.

It's how The Black Eyed Peas have achieved that success that is the most rewarding part of their story: through constant innovation. The Peas never follow contemporary trends in music, but rather create their own – soundtracking everyday emotions with new musical styles. They seem to always be one-step ahead of everyone else, but still remain effortlessly accessible to anyone who likes to nod their head. The E.N.D., was a perfect example of that. Invigorated by the energy of the underground club scene, the Peas found a way to mix hip-hop with the rhythms and beats of house, electro and techno music – and turn it into pop music. It's a sound no one had created before, and quick scan of the dozens of R&B and pop singles on the radio today will reveal just how much of an impact the Peas made on pop music.

Now, however, comes The Beginning to up the ante. The Beginning does not signal a new start for the group, will not provoke talk of a rebirth. In fact, musically, The Beginning taps very much into the dance-club energy perfected on The E.N.D., albeit with a more sophisticated pop and electronic music palette. The Beginning, rather, is a reference to the world at large, right here at this very moment in time – new methods of communicating, new methods of broadcasting are connecting the world in ways never before imaginable. It's created an exciting time – for making music, for creating – and it's invigorated the group.

"The Beginning is symbolic of adopting new technologies, such as augmented reality, 3D and 360 video," explains will.i.am. "It's also about being experimental, taking songs we've liked from the past and playing around with sick, crazy beats. It's an amazing time to be creative right now and I think people are open to that."

The Black Eyed Peas have always been considered innovators ever since emerging out of the West Coast underground rap scene in the 1990s. In 2002, they welcomed Fergie into the group (for their third album, Elephunk), and it transformed them from beloved backpack rap stalwarts into one of the most popular groups in the world. It was on The E.N.D., though, that the Peas truly made their musical mark, tapping into the infinite energy and communal experience of worldwide club music. The sound they created on that album is now the blueprint for contemporary pop and R&B music; a fact that any quick scan of the radio dial can confirm.

The Beginning is an evolution of that sound, this time harnessing a more seductive electro vibe in addition to big house grooves. The song, "The Time (Dirty Bit)," is the first single from The Beginning, and it features an interpolation of the theme song from the 1987 film, Dirty Dancing.

It went straight to #1 on iTunes in 11 countries within the first 24 hours. "That song is a celebration of this amazing time in our lives,” says vocalist Fergie. “We’ve been on tour all over the world, and looking out at stadiums full of people who came out to see us — that’s as big as it gets. After the shows, we go out to the clubs and meet the fans; those are moments that we have to remember.” “Plus the fact that we get to experience it with each other,” adds vocalist apl.de.ap, “that’s the best feeling ever.”

“You never know what’s going to happen, so you want to make the best of every day,” says will.i.am. “We wanted to capture that feeling and release a song that celebrates with the fans because it wouldn’t have happened without them.” This album is the beginning of a new era of Pea world domination -- fasten your seat belts pea-ple enjoy the ride, declares Taboo.

Along with the first single, other songs from The Beginning, like, "Love You Long Time," "Do It Like This," and "The Best One Yet" are evidence that perhaps no other group in the world can craft an anthem quite like The Black Eyed Peas. It's balanced out on the album with songs like the electro ballad, "Just Can't Get Enough," which highlights the physical and emotional range of Fergie's voice. These are all the type of songs that tap into everyday feelings of everyday folks; they evoke the anxious moments before a great night out; the memories of best times spent with friends; or the butterflies of ambition.

Much of The Beginning was conceived during The Black Eyed Peas most recent worldwide headlining tour, where they visited more than 20 countries and played to more than a million people. Drawing from a long playlist of hits from their catalog and a vibrant, multimedia stage show (which the “New York Times” described as a gripping pop "sci-fi spectacle," the Peas are one of the biggest attractions in the world right now.

"When you have that interaction with the fans (at a live show), there's no other greater inspiration in the world," says will.i.am. "You see them rapping the lyrics back to you or dancing to your joints, it's energizing. And at the after parties, when we DJ, you can experiment with different sounds and see how people react, it's not a pretentious environment in the clubs and they embrace you with an open mind. It becomes like a laboratory. And so that whole experience of being on tour and that interaction, all of it just drives us to want to make the best and most creative music we can."

Khmer Entertanment

ស្ដេចកំប្លែងទិនហ្វី

ជីវិត Pitbull

ប្រវត្តិគូស្នេហ៍ សុជីអូ និង ម៉ារីម៉ា

ដុង ហេ ឈ្នះពានក្នុងរឿង “ស្នាមញញឹមជាថ្មី

យន់ សេវ៉ា តួរងឆ្នើមក្នុងរឿង “ស្នាមញញឹមជាថ្មី

ប្រវត្តិ ពេជ្រ សោភា

ខ្សែជីវិតពិតរបស់ Taylor Swift

ជីវិតពិតតុលាការមុខដែក ប៉ាវ ចិន

ព្រះរាជជីវប្រវត្តិរបស់ព្រះករុណាសម្តេចព្រះ នរោត្តម សីហនុ

ព្រះរាជជីវប្រវត្តិរបស់ព្រះករុណាសម្តេចព្រះ នរោត្តម សីហនុ

The Blackeyes pea Bio

Total Pageviews

About Me

Blog Archive

ព្រះរាជ​ជីវប្រវត្តិ​របស់​ព្រះករុណា​សម្តេចព្រះ នរោត្តម សីហនុ​

ព្រះរាជជីវប្រវត្តិរបស់ព្រះករុណាសម្តេចព្រះ នរោត្តម សីហនុ